L'ASTURIES LLIBERAL

La Federación Asturiana de Parroquies Rurales llogró'l consensu de les principales fuerces polítiques pa pasar a denomase "entidaes rurales locales" dende agora. Les 39 parroquies rurales d'Asturies acueyen a 12.000 persones, y nagüen porque se-yos dea reconocencia nel futuru Estatutu d'Autonomía. Llámase parroquia rural a les entides locales menores del Principáu d'Asturies, que gocen de personalida xurídica propia estremada de la del conceyu al que pertenecen y que tienen de constituyir una comunidá rural sólida, asentada nun territoriu determináu y definíu, distintu del restu, onde concurren intereses propios. Tienen plena capacidá pa la organización de la so comunidá y la xestión y administración de los sos bienes, amás de toes aquelles que'l conceyu o el gobiernu del Principáu deleguen. Ríxense por un Presidente, con funciones asemeyaes a les d'un alcalde, y por una Xunta, asemeyada a un Plenu municipal. Esta Xunta tará compuesta per un númberu de persones non menor a dos nin superior al terciu de conceyales previstos nel conceyu del que formen parte, escoyíos según los resultaos municipales pa esi distritu electoral. Al Presidente escuéyenlu de forma directa los vecinos. En dambos casos, el mandatu ye de cuatro años.

Esbilla | del.icio.us