Fonte LLONGALENDO
María Cotiello, actriz nacida fai 25 años en Grilleru (Santa Cruz), dió llectura al pregón de les Fiestes de San Xuan dando les gracies por alcordase d'ella pa protagonizar esti actu y esplicó que-y tira "la tierrina y, por tanto, la ilusión que me fai dar esti pregón. Pa mi, volver a Mieres y amás en fiestes, ye como volver a casa por Navidá". Cotiello fizo alcordanza de la so infancia, destacó'l so ciñu pol conceyu y amuesó delles reivindicaciones. Pidió que "dentro de non munchu tiempu Mieres sea un referente cultural y una ciudá onde l'arte tee presente día a día". Tamién pidió p'Asturies "una llingua oficial y un gobiernu que lluche por ella". La pregonera espetó que "fae falta salir fuera pa dase cuenta de too lo bueno que tenemos aquí". Pa ella hai coses básiques "como que los semáforos parpadeen solo tres veces, que cruces una calle y tengas que parate tres veces pa saludar, que nun bar te digan: ¿a ver qué quies mocina?, salir pol pan en zapatilles, o dir nel bús hasta Santa Cruz falando col conductor". Tampoco escaeció los llugares más típicos y queríos pa los mierenses y tamién pa ella y comentó que los sos amigos de Madrid saben de la so defensa de tolo de Mieres.
Esbilla
del.icio.us
Nun hai comentarios »