El Plan d'Usu de la esquierda institucional xixonesa nun reconoz al asturianu como llingua propia
circululliberal @ 14:44
El testu del proyeutu de Plan d'usu del asturianu que l'equipu gobiernu d'izquierda va llevar, el mes viniente, a Plenu, nun-y reconoz al asturianu'l so calter de llingua propia, y déxalo too nun xenéricu el asturiano y el castellano son lenguas del concejo de Gijón/Xixón, na redaición n'español, que ye la que llegalmente tien valir hasta l'aprobación d'una ordenanza qu'afite'l billinguismu. Ye llamativo que la versión n'asturianu que circula perende, que nun tien tovía valir llegal, sí inclúi'l términu propies. Vese a les clares l'intentu por manipular y facer que paeza lo que nun ye, nun proceder típicu de la esquierda asturiano. Hebo hasta xente del asturianismu que, llevao per un entusiasmu comprensible pero totalmente inxustificáu, llegaron a considerar que l'asturianu yá yera oficial en Xixón. Nada más llueñe la realidá. El casu ye que nel Partíu Popular sí entienden que l'asturianu sía llingua propia y propondrán, en consecuencia, que d'esa mena se recueya nel Plan.
Esbilla
del.icio.us
Comentarios(4) »
Vity — 11-06-2008 - 15:15:32 GMT 2
¿Nun tabemos d'alcuerdu toos en que la defensa de la llingua asturiana nun ye nin de dereches nin d'izquieres?, ¿entós porqué esa zuna a remarcar que'l gobiernu ye, supuestamente, d'izquierdes?
Casio — 11-06-2008 - 15:26:55 GMT 2
será por que dicen facer la de dios y después ye too fumo. Poles noticies que van dando nesti blogue tengo mieu de qu'esi Plan, que ye de la izquierda, vaya ser más de los mismo. IX-BA lleva vendiendo les escelencies de les ordenances y del plan meses. Prestaráme ver la cara que pondremos toos cuando se conoza'l conteníu d'esi plan, y cuando lo comparemos colo que proponen los peperos. Yo vity nun confío pa nada en cierta izquierda cuando se trata de la llingua. En Xixón menos tovía. En Xixón fíome del PP porque polo menos tienen un asesor que sabe de que va'l tema.
Ricardo — 12-06-2008 - 00:17:19 GMT 2
... dende cuando'l PSOE ye d'izquierdes? O ye que nun deprendimos nada del casu Carnero y Morala?
Manolón — 12-06-2008 - 00:54:34 GMT 2
Visto como lo diz Ricardo sobre la izquierda institucional, esti rapaz tien razón.La izquierda real anda per otru llau con menos moqueta y con menos dieta.
Dexar un comentariu