Air Berlin entama aiciones llegales contra Joan Puig, diputáu d'ERC conocíu como "l'asaltapiscines", por comparar a la compañía alemana col nazismu L'ASTURIES LLIBERAL

joanpuig

Puig, metanes "l'actu reivindicativu" qu'orixinó'l so alcuñu

Air Berlin entamará aiciones llegales ante la Unión Europea contra l'ex diputáu d'ERC Joan Puig por comparar a la compañía col nazismu, de magar la polémica surdida sobre l'usu de la llingua catalana nes rellaciones de l'aerollinia colos sos clientes. Air Berlin calificó de "mui grave y inaceptable" el compartamientu de Puig. El pasáu vienres, Joan Puig incluyó nel so blogue una esvástica cabo'l logotipu de l'aerollinia abnazi alemana. Poro los servicios xurídicos d'Air Berlin estudiaron qué midíes tomar,pa dar los "pasos necesarios" pa presentar una denuncia escontra l'ex diputáu ante les instituciones europees. La polémica emprimó pola mor d'una carta qu'unvió la direutora xeneral de Política Llingüística del Gobiernu balear, Margalida Tous, a Air Berlín (al igual qu'a otres aerollinies) esixendo la potenciación del catalán nes sos rellaciones colos clientes, dalgo que nun sentó bien a la compañía, que considera que "nun tien sen", yá que nel Reinu d'España hai "otres llingües cooficiales que merecen tol respetu", pero que la compañía nun usa, y defendieron "el derechu d'una empresa privada internacional" a espresase cómo considere oportunu.