El Círculu Lliberal d'Asturies ye un proyectu de calter asociativu asturianista, democráticu y transversal
Según pudo saber el Círculu Lliberal de fontes de la sé popular na madrilana cai Génova, la direición nacional del PP nun s'opondría a un posible apoyu a la cooficialidá llingüística per parte del partíu n'Asturies. D'alcuerdu cola nueva estratexa que se perfila pal viniente Congresu Popular, afítase una llinia d'actuación empobinada al diálogu colos nacionalismos moderaos del estáu. Nesti marcu, Asturies ye una de les comunidaes autónomes onde se contempla la necesidá de polítiques d'esta triba, col envís de llograr el gobiernu pa les siguientes eleiciones autonómiques y locales. Ye claro qu'un posicionamientu avanzáu sobre'l marcu llegal de la llingua asturiana diba facilitar un alcuerdu n'Asturies, que se plantegaría con PAS y URAS, amás de con delles candidatures de calter asturianista y ámbitu municipal. Igualmente, nos últimos díes, vien pecibiéndose en dientro la direición rexonal que la posición favoratible a la "oficialidá ensin obligatoriedá" ye cada vegada más amplia nes xuntes del partíu. Nesti orde de coses, van dir sucediéndose nes prósimes selmanes acontecimientos que visualizarán l'apoyu a la llingua de relevantes dirixentes populares.
Esbilla
del.icio.us
A ver si ye verdá :)
Nun creyo, nin quedría que´l Partíu Asturianista (PAS) axuntase col PP. Por dos cosines (amás de munches otres quiciabes viscerales):
1.- El PAS ye un partíu asturianu, d´ámbitu asturianu y nun creyo que fora coherente axuntase con un partíu d´ámbitu estatal. Amás teniendo en cuenta la política identitaria del PP con Asturies (como la del PSOE nestos 30 años)
2.- Anque´l PAS tea cola URAS nuna coalición, el Partíu Asturianista definese ente otres coses amás que "asturianista, interclásista" como "de progresu". Quie dicir, ye progresista.
Asturianista, flacu favor-y fas al PAS nun dexándo-y otra opción qu'amestase con mayor enenmigu que tuvo la llingua en tola hestoria, el PSOE. Y lo de progresista vamos dexálo pa prau, porque col PSOE per medio esti términu ta mui desprestixáu n'Asturies. Progresista, per estos llares, idéntifícase con socialista y da hasta respingos.
Nin col PSOE, nin col PP, nin cola IU debría axuntase´l PAS.
Abondos años éstos tien n´Asturies (dende l´Estatutu nel 81 fasta agora, si nun cuntamos los años d´enantes, son 27), y nengún fechu pol asturianu nestos años.
Sólo nel Gobiernu del PP de Marqués (que foi espulsáu por ello) hebo llei d´usu, y dalgunos saltaron a la escontra de la única ferramienta que tien agora mesmo´l bable.
Puxa Asturies! Salú collacios