PP pide a Gallego que cese al xerente d'Emulsa si nun dimite por negar el Plan de Llimpieza pa la Semana Negra L'ASTURIES LLIBERAL

El conceyal del PP nel Ayuntamientu de Xixón, Francisco Cubiella, esixió a la edil responsable de Mediu Ambiente, la socialista Dulce Gallego, que cese al xerente de la Empresa Municipal de Limpiezas (EMULSA), Avelino Tejón, si elli nun dimite nun tiempu prudencial por negar qu'esistiere un Plan de Llimpieza pa la Semana Negra sólo 48 hores antes de que fuere presentáu pola conceyala. Tamién se preguntó con qué presupuestu cuenta esti Plan y si lu va pagar la organización de la Semana Negra, que ye privada, o l'Ayuntamientu coles perres de tolos xixoneses. Según Cubiella, pue qu'amás de la subvención el Consistoriu-yos dea "ayudes n'especie" a los entamadores. Aludió tamién a los "desodorantes y desengrasantes" que Gallego dixo que diben usar na llimpieza de Poniente durante los díes de la cellebración del festival. Cubiella duldó de qu'estos productos s'utilicen na llimpieza de les cais allugaes nes zones de movida xixones porque "nun diben goler como güelen nin tendríen los rastros que tienen". Preguntóse igualmente por qué nun s'usen nes cais de la ciudá y sí se van usar na Semana Negra.