L'Asturies Lliberal

Al Qaeda anunció güei que tuvo detrás del atentáu suicida con coche comba cometíu'l pasáu llunes contra la embaxada danesa na capital paquistaní, Islamabad. D'alcuerdu a un comunicáu publicáu n'internet, firmáu pol cabezaleru d'Al Qaeda n'Afganistán, Mustafa Abu al Yazid, la rede criminal indicó que Dinamarca "nun se disculpó" pola publicación de les caricatures de Mahoma. L'españíu baltó la puerta d'accesu  de la embaxada y provocó daños na fachada del edificiu y nos vehículos estacionaos na rodiada. L'edificiu diplomáticu asítiase nun barriu esclusivu nel que tán tamién otres delegaciones oficiales estranxeres.  L'ataque ye "una venganza contra l'infiel Gobiernu de Dinamarca que publicó los dibuxos degradantes del profesta y refugó disculpase", diz el comunicáu de los integristes islámicos.

Esbilla | del.icio.us