Trabayadores de los centros d'enseñanza concertao salieron ayeri a la cai convocaos polos sindicatos Otecas, USO, FSIE, CC.OO y FETE-UXT pa denunciar l'incumplimientu de los alcuerdos per parte de l'Alministración y pola de la discriminación a la que se ven sometíos. Según esplicó'l secretariu xeneral d'Otecas, Joaquín González, la so principal reivindiación pasa per llograr homologase colos trabayadores de "la enseñanza público ya que pertenecen al serviciu públicu educativu". González esplicó que'l principáu decidió impugnar el conveniu quince meses dempués de publicase, dalgo que nun pasó en nenguna comunidá autónoma y añadió qu'hai alcuerdos que nun s'asumen. "Hai alcuerdos de financiación que nun recibimos porque'l Principáu niégase a negociar", dixo González.
Quién soi
Estayes
- ARTÍCULOS
- I.ASTURIES
- I.ASTURIES CENTRAL Avilés
- I.ASTURIES CENTRAL conceyos
- I.ASTURIES CENTRAL Les Cuenques
- I.ASTURIES CENTRAL Uviéu
- I.ASTURIES CENTRAL Xixón
- I.ASTURIES OCCIDENTAL conceyos
- I.ASTURIES ORIENTAL conceyos
- II.ESPAÑA
- III.MUNDU
- IV. SOCIEDÁ CULTURA
- OPINIÓN LLIBERAL
- V. DEPORTE
- VI.ENTREVISTES
- VII.VÍDEOS IMÁXENES
Esbilla
del.icio.us
que faigan oposiciones, que nun los pongan a deu, que dexen de pagar a los curas y monxes por un serviciu que yá fai la enseñanza pública.
nun sabía yo que'l lliberalismu taba polos conciertos del PSOE...
Si queréis educación privada y tan lliberales sois...PAGÁILA y nun vayáis a la privada a costa del pueblu pa que se rece peles mañanes y se vaiga a misa.
Estos rapacinos perllaicos de SUATEA van sobradinos de fuelgu. A ver neños. Que les perres pal enseñu ponémosles toos, llaicos o non, y hasta dalgún llaicista.Y sobre too salen del bolsu d'autónomos y profesiones lliberales. La estadísta ye la estadística. Unos apurren perres y otros viven prexubilaos (cómo son d'izquierdes éstos). Que vos presten les revoluciones, pues nada hom, pagáisles vosotros y a ver hasta ónde sois pa llegar...
pero vamos ver, lliberalistes de pacotilla, dende cuando'l lliberalismu económicu neocon que representáis sofita l'intervencionismu del estáu na enseñanza? o ye namás pa cuando beneficien a los vuestros? nun queréis les vuestres aules pa ricos, guapos y rubios de güeyos azules con faldina de cuadros y xarsé d'Ana y los 7? pos pagáisles, porque l'estáu yá ufre un serviciu con profesionales formaos y escoyíos en procesos d'oposiciones (sí, non puestos a deu los y les fíos y fíes "de").
tovía vendréis con eses de que "los que nun usen la enseñanza pública que reciban el % que-yos toca d'ello". y lo mesmo pa la sanidá, non?
reitérome: si queréis privada PAGÁILA y dái relixón, biblia corán o misticismu celta. Si queréis pública...ehí la tenéis: ye la que pagamos toes y toos.
...y si queréis CONCERTADA, esi inventu del PSOE únicu nel planeta, a rascala!
ENSEÑANZA PÚBLICA SÍ
ENSEÑANZA PRIVAO (pagáila, pero ensin un duru NUESTRU)
Bona idega.
Deamos a los ciudadanos la posibilidá d'escoyer.
Los que quieran escuela público que LA PAGUEN coles sos perres, pero solo coles d'ellos. Si yo nun quiero escuela público, llaicista y con Formación del Espíritu Nacional, perdón, Educacion para la Ciudadanía, NUN TENGO POR QUÉ LA PAGAR.
Los que quieran escuela non público que LA PAGUEN tamién, coles sos perres.
Llibertá d'eleición. Eso sí, nesa tesitura la escuela público DESAPAEZ.
nun sabéis lo que ye la xusticia social nin lo que ye qu'ente toos y toes faigamos un sistema básicu, una rede social, d'educación y sanidá, ente otres munches coses, de calidá. y el que quiera catequismu que vaya a recibilu a un templu o que ponga un maestru en casa al neñu/a, y el que quiera un médicu privau que busque nes páxines marielles.
el verdaderu problema ye que tais avocándonos (PSOE Y PP por igual) a una educación desprestixada, decadente, a una sanidá tercermundista, mentres desviais a los que "pueden" a les vuestres clíniques privaes.
taríeis encantaos n'USA colos mélicos dexándovos morrer na puerte l'hospital o coles escueles y universidaes públiques namás pa los negros y llatinos.
la vuestra definición d'igualdá produzme ascu y repudiu. cola escuela pública que dexaron los vuestros amiguinos del PP, los d'Aznar, cola estroza que yá venía de los tiempos de Felipe -y que servilmente siguís sofitando-, y lo que nos queda...
mandái a los guah.es a la concertada y vacilái hasta 1u de bachiller de que la nena o'l nenu vayan de punta en blanco.
hala!
Sí, home, sí, tu yes perpuru, yá lo sabemos. Pero aclárate ho. Si toos y toes escoyemos, entós cada ún y una pague'l so enseñu, y puntu. O voi pagate yo les tos tochures "pseudorevolucionaries". Págateles tu manin. Porque aquí, o xugamos toos, o ruémpese la baraxa. Y dexa yá esi manidu discursu de los neocon, l'Aznar, y toa esa ratafila. Qué suena a vieyo h.oder.
La educación pública ye un serviciu públicu, que-y da cobertura a quien la quiera, l'enseñu nella faise acordies con lleis aprebaes pel pueblu. PRéstenos o non, les cortes españoles diéron-y el preste a la educación pa la ciudadanía (de mano digo que nos términos que ta plantegada a min nun me presta un res; yo fadríala más política pa que la xente se culturizare)...
Agora bien, si ún quier meyorar pela so cuenta y riesgu, un SP que de per se habría de buscar la escelencia, y dir pa un enseñu que, insisto: LES SOS BASES IDEOLÓXIQUES NUN SE FAEN ACORDIES COLA VOLUNTÁ MAYORITARIA DE LA POBLACIÓN; pos que la pague llibremente...
El SP nun ye equiparable, nin nel rigor de les prebes de seleición (Oposiciones) nin na fundamentación del programa a enseñar (votáu pol parllamentu o parllamentos); poro, nun ye comparable lo uno colo otro.
Pidir ye llibre, puen pidir lo que quieran, agora bien, l'únicu paecíu ente una plaza de mayestru nun priváu y nun concertáu ye que los dos tienen títulu universitariu.
Na enseñanza pública la equidá (a lo menos en teoría) funciona al tiempu de ser interín (llistes) y a viaxar, que ye un placer; al tiempu de tener plaza, oposiciones nes que, polo menos teóricamente, consiguen plaza los meyores; tresllaos, por concursu públicu de méritos y antigüedá, y demás. D'esta manera, pues ser mayestru siendo un ultraderechista de DN hasta un ultraizquierdista del PCPE. Estes premises nun importen.
Na enseñanza privada too esto nun funciona, funciona'l "Los amigos de los mios amigos son los mios amigos". Un gobiernu que caltién que la Enseñanza ye un drechu y non un negociu nun pue avenise a equiparar a los que trabayen nel derechu colos que trabayen nel negociu. Si lo fae, reconoz que ye un negociu y, entós, siguiendo la política neolliberal, que privatice la enseñanza, que dé'l cheque escolar y que caún se busque la vida.
Y así, más diferencies. Si quitamos los impuestos dedicaos a la enseñanza y que caún pague la suya, el resultáu diba ser interesante: neños que nun podríen dir a escuela frente a otros que diríen a escueles d'élite.
Per otru llau, nun entiendo como un defensor de la llingua asturiana pue tar a favor de la escuela privada. Sóbrenme los deos d'una mano pa cuntar los centros privaos nos que hai enseñanza de Llingua.
El radicalismu nunca ye bonu, y el comentarista "vaya cara" d'antes falaba dende la radicalidá, polo que yo dí un toque de retranca al asuntu. Por supuesto que tien d'haber un SP financiao por tolos ciudadanos, claro, como tamién ye necesario l'apoyu a los centros concertaos, ente otres coses por que si non tendríemos miles d'escolinos ensin escolarizar. EpD ye una asignatura ridícula, que pa eso yá tenemos a la Constitución. Ye una escusa p'adoctrinar, y a mi nun me presta que m'adoctrinen, ni d'un llau ni del otru. En cuantes a midir la voluntá mayoritaria de la población, tenemos de ser mui moderaos nesto; por que n'España la gran mayoría defínese como católica. L'otru día una procesión en Córdoba aconceyó a 700.000 persones (sí, ta bien la cantidá). Nun podemos tar al rau de la Conferencia Episcopal, d'alcuerdu, pero cayer nos errores anticristianos de la II República ye nun conocer la realidá del estáu.
Volviendo a la educación, tenemos de tener curiáu con estremar enseñantes d'una clas y d'otra. Eses oposiciones que dices nun garanticen un bon enseñante, y lo contrario tampoco. Nesto fai falta sentíu común y nada de dogmatismu.
Lo de que los radicalismos nunca son bonos ye discutible. Hai coses que nun se puen discutir, nin se deben discutir, por exemplu, y yá que tamos nello, que tol mundu tien derechu a una bona educación, aprovéchela o non.
EpD pue ser una asignatura ridícula, pero non polo que dices, porque nun pasa de ser una maría, como mesmamente la relixón (como asignatura). Ye un adoctrinamientu, cierto, no que debemos pensar, lo que se da por bono, pero per otru llau, ye lo que se fai n'otres asignatures (n'historia quien son los bonos y los malos, en lliteratura lo mesmo, en dambes qué guapo ye ser español, y podríemos siguir), nun pasa de ser un llevar a la escuela lo que se quier "ye'l pensamientu correutu". Eso faelo tol mundu.
A lo último, cierto ye qu'unes oposiciones nun garanticen nada, pero a lo menos tienen la "prueba del algodón teórica", teóricamente saquen plaza los meyores. Nel otru casu nun hai nenguna teoría.
Lo de les otres asignatures ye bien relativo Pin. Eses asignatures que cites nunes comunidaes autónomes serán de les de "qué guapo ye ser español", pero n'otres son de les de "que guapo ye ser vascu, o catalán, o gallegu...). Como dicía enantes fai falta sentíu común. Ni lo uno ni lo otro. N'historia pasamos de que los "roxos" yeren permalos a que los "nacionales" yeren lo peor. En lliteratura sabemos muncho de les obres n'español, y hasta en catalán o gallegu, y toi falando de la materia que se da n'Asturies; pero de los escritores asturianos ná de ná. Y tocantes a los centros concertaos, mira, los padres y madres d'alumnos nagüen nuna gran mayoría por llevar a los sos neños a esos sitios. ¿Por qué?. Pues pola calidá de la enseñanza y la seguridá de los sos fíos. La enseñanza pública va camín d'homologase a la de los USA que vemos nel cine o na tv. Munchos de los que pasen esa oposición después funcionarícense, y eso nótase nel rendimientu del sistema educativu. Aquí tol mundu quier derechos pero les obligaciones parecen sobrar.
Como too na vida, el sentíu común y el términu mediu suelen ser lo meyor. Un Sistema públicu d'enseñanza de calidá, ensin formación ideolóxica, con seguridá, con autoridá pal profesoráu. Y un sistema concertao que complemente al públicu, que per otra parte nun da pa cubrir toles necesidaes educatives de la ciudadanía.
Pues claro que n'otros ye "que guapo ye ser vascu, catalán, francés, etc." Yo nun creo neso de "yo nun soi nacionalista". Tol mundu ye nacionalista y nagua por imponer lo suyo, lo que pasa qu'unos pueden y otros non.
Los padres, cuando puen (en L'Infiestu, por exemplu, nun puen) qu'escueyen la educación concertada tendrán distintos motivos, pero pienso yo que los principales son dos: 1. Que los sos fíos tean más controlaos. 2. Que nun se amiesten con según quien.
Porque:
1. Nun ye verdá que seyan mayoría los que piden la privada, cenciellamente la privada tien menos ufierta que la que podría tener, pero echa cuentes de cuantos alumnos van a la pública y cuantos a la privada y verás que son más los primeros.
2. Ye mentira que tengan mayor calidá d'enseñanza y a una prueba "neutra"(si eso esiste) me remito: la selectividá. Tolos años saquen a los alumnos "escelentes" y la proporción aveza ser 4 a 1 a favor la pública.
3. La enseñanza pública va camín de lo que va tola enseñanza, o pienses que los alumnos de la privada son unos santos. Otra cosa ye la "política" del centru de "los trapos puercos llávense en casa". Podría contate dalgunes coses que sé por xente que dio clase na privada.
4. Apoltronaos hailos en tolos llaos, tamién na privada. Y xente de valir igual.
Y p'acabar, la guerra d'EpD ye idiota. Tantu revuelu por una asignatura que se da un cursu una hora a la selmana. Amás de ser antidemocrática, porque les asignatures, toles asignatures, decídeles el gobiernu, que pue poner les que-y de la gana. Llegará otru gobiernu y decidirá otra cosa. Ye como si yo digo que tengo problemes de conciencia pa que'l mio fíu estudie música, y entós niégome. Aparte de que toos sabemos que les asignatures hai munches maneres de dales.