La esposición «Palabras libres, palabres llibres: la poesía en Asturias desde 1978», ta entamada pola Dirección Xeneral de Promoción Cultural y Política Llingüística de la Conseyería de Cultura y Turismu, al traviés de la Biblioteca Pública Jovevallanos de Xixón, llugar n'onde pue vese l'amuesa hasta'l prósimu 1 de xunu. El comisariu de la esposición y periodista de La Nueva España, José Luis Argüelles, seleccionó los nomes que meyor representen a la llírica asturiana, ente los que s'afaya'l del presidente del Círculu Lliberal, Humberto Gonzali. Según el comisariu, éstes "son feches que nos permiten, con dellos pequeños axustes, un exerciciu de memoria col que recordar dalgunos de los caminos y siendes pelos que transitó la poesía asturiana nestos últimos 30 años". Ún de los periodos destacaos del florecimientu de la poesía asturiana foi lo que se conoció como'l Surdimientu, que se traduz "nuna inquietú creciente pola situación del asturianu y, al empar, nun tiempu de catalizar el deséu d'anovación y ruptura cola lliteratura tópica y agónica", afirma Argüelles.
Esbilla
del.icio.us
Nun hai comentarios »