EL PROYEUTU DE DIARIU N’ASTURIANU YÁ TIEN FECHA PA LA SO SALIDA AL MERCÁU
L'Asturies Lliberal tuvo accesu a parte los alcuerdos que se tomaran nel aconceyamientu d’un grupu promotores nel entamu de mes y que, fechu nel Hotel Palacio de Figaredo allugáu na parroquia figaredense del conceyu de Mieres, punxeron les bases pal proyeutu editorial que quier afitar un diariu impresu, íntegramente editáu na nuestra llingua, en xunto a otres estayes empresariales relatives al mundu audiovisual ya informáticu que tamién formaríen parte de la iniciativa. De los datos que llogramos entesacamos lo que sigue darréu: La conformación del grupu promotores, nel proyeutu editorial afáyense nesti momentu cinco empresarios asturianos d’estremaes rames económiques, amás d’un piñu persones provenientes del mundu de los medios de comunicación, de la xestión del protocolu, de la cultura asturiana y representantes de la industria editorial d’ámbitu estatal; Una fecha fixada pa la salida al mercáu, el grupu promotores tien fixao la salida al mercáu del diariu pal 21 de marzu de 2009, p’arreyala al equinocciu de primavera; Una ufierta d'Opinión abierta a toles sensibilidaes del asturianismu, quierse que toles voces del asturianismu, tanto políticu como cultural, tengan un espaciu d'aportación ya intercambiu d'idegues. Nesti capítulu destacamos la propuesta de venceyar a la xente de los blogues n'asturianu col proyeutu editorial (tenemos solicitada l'autorización p'asoleyar tolo plantegao nel proyeutu sobre esti tema, pues paeznos que ye importante pol so calter participativu y novedosu).
Esbilla
del.icio.us
Círculu Lliberal d'Asturies ye un proyectu asociativu asturianista, que naz col enfotu de defender la identidá cultural d'Asturies, y que quier afitar un pensamientu lliberal necesariu pal progresu económicu y social.
Buff!! Tamos falando d'equí a un añu... Munchu enfotu tienen que tener esos promotores teniendo en cuenta que se-ys echarán encima los grupos con presencia n'Asturies, el Gobiernín... y si ente toos aparen y tracamundien negociaciones como les de la compra de La Voz de Asturias, el grupu zeta... ¿qué nun van intentar con dalgo asina? Yo, por si acaso, pondría una vela a dalgún santu d'esos de los imposibles. De toles maneres, ya echaba en falta que cuntarais dalgo d'aquella reunión.
Jesusito | 29-05-2008 - 14:53:13 GMT 2 #
Tratándose d'un proyeutu d'esa envergadura nun m'estraña'l plazu.
Esto nun ye una fueya parroquial.
Agora prestaríame saber más del venceyamientu de los blogueros.
Casio | 29-05-2008 - 15:15:44 GMT 2 #
Home, a lo de un añu vista nun me refiero al tiempu pa poner en marcha dalgo que nun seya una fueya parroquial, sinon que me paez muchu tiempu dende de que se fai públicu el proyeutu.
Jesusito | 29-05-2008 - 15:58:34 GMT 2 #
Hostia, qué bona noticia...
¿Y quién tará tres d'eso? ¿Quién serán los misteriosos empresarios? ¿Y Qué nome van da-y al periódicu? ¿Sedrá royu público o royu 20 Minutos o qué? Taría bien saber tantes coses...
Pero bono, a ver si ye verdá y sal esti periódicu, yo toi dispuestu a collaborar no que seya :-)
embaxador | 29-05-2008 - 21:43:03 GMT 2 #