Rosa Díez (UPyD) votó nel Congresu, de la mano de los diputaos más estremistes, a favor de dos propuestes laicistes que refugaron más de 300 diputaos L'ASTURIES LLIBERAL

rosadiez

Rosa Díez, llíder d'UPyD, qu'apoya'l laicismu radical nel Congresu los Diputaos

El coordinador d'IU, Gaspar Llamazares, defendió ayeri énte'l Plenu del Congresu un cambéu del protocolu de les ceremonies d'acatamientu y promesa o xuramentu de cargos, pa quitar tou tipu de símbolos relixosos. Esta propuesta secundóla Rosa Díez, qu'estos díes anda embarcada nel fichaxe de posibles disidentes del PP, como'l casu de María San Gil (proveniente del sector demócratacristianu). El Plenu refugó la propuesta laicista del diputáu comunista con 309 votos a la contra (PP, PSOE, CiU y CC), nueve a favor (ERC, IU-ICV, BNG, Na-Bai y Rosa Díez) y seis abstenciones (PNV), éstos últimos pola presencia d'un exemplar de la constitución nos actos citaos, que non polos símbolos católicos. Pela tarde hebo otra iniciativa laicista presentada pol Bloque Nacionalista Galego, que pedía revisar y camudar los alcuerdos cola Santa Sede. El Plenu refugóla tamién colos votos contrarios del PSOE, PP, CiU y PNV. La diputada d'UPyD, fuerza política que s'opón a la oficialidá de la llingua asturiana, votó a favor de la iniciativa del grupu nacionalista gallegu. Nesta xornada, Eugenio Nasarre, diputáu del Partíu Popular punxo'l puntu de xacíu na xornada y entrugóse qué pensaríen millones de ciudadanos del estáu al ver qué asuntos cruciales ocupaben a les sos señoríes nel entamu la llexislatura. "Llibertá relixosa, sí; laicidá del Estáu, sí, nos términos de la Constitución; continuidá de la realidá histórica d'España asumida pola democracia, sí, y sobremanera, concordia col espíritu del pautu constitucional", resumió.