L'Asturies Lliberal

La campaña contra el presidente del PP namás aconceya a dos centenares de persones

Ayeri la sede del Partíu Popular, na cai Génova, convirtióse nel llugar onde unes doscientes persones de los más de diz millones de votos que llogró'l PP nos últimos comicios, concentráronse, convocaes per SMS, pa glayar les sos crítiques contra Rajoy y amosar el so sofitu a María San Gil. "Rajoy dimisión", "nos está engañando más que Zapatero", "Mariano, danos explicaciones", coreaben, acompañao d'otros eslóganes muncho más duros y faltosos de los más exaltaos. Dalgunos llevaben banderes españoles y semeyes de San Gil y pedíen unes primaries. Una parte abondosa de los insultos empobinóse pa Ruiz-Gallardón y Sáenz de Santamaría. Una muyer qu'intentó defender al alcalde madrilañu recibió una respuesta histérica al gritu de "¡socialista, socialista!". Mentantu 200 representanes d'una ínfima minoría entrullada nel entamu del sieglu XX manifestaben la so ira,  la inmensa mayoría de los 700.000 militantes del partíu, que s'alluguen na sociedá del añu 2008, guarden un civilizáu silenciu aguardando al Congresu Nacional de xunu.

Esbilla | del.icio.us