L'Ayuntamientu de Xixón fai cobros indebíos na Ayuda a Domiciliu sigún denuncia'l PP local L'ASTURIES LLIBERAL

dorindagarcia Fonte LA MAVEA

Dorinda García, conceyala del PP de Xixón y senadora per Asturies, acusó al equipu de gobiernu municipal, en concretu a la conceyala de Servicios Sociales, Esperanza Fernández Puerta, de tar cobrando indebidamente a los beneficiarios del serviciu d'Ayuda a Domiciliu, al nun tener en cuenta los requisitos previstos na Ordenanza. Según la conceyala popular, l'equipu gobiernu tien en cuenta otros requisitos que nun s'inclúin na convocatoria. Como exemplu, indicó que la Ordenanza fala d'ingresos del beneficiariu y el so conyugue o pareya de fechu, mientres que l''Ayuntamientu pidi los datos de la unidá familiar na so totalidá, ye dicer, tamién los padres y fíos que conviven nel domiciliu. Dorinda García apuntó que'l serviciu empobínase a persones mayores, con discapacidá o con recursos reducíos, que nun puen comprobar si se-yos cobra afayaízamente. A esti respectu, citó'l casu d'un home que cobra 500 euros de pensión y que paga 245 euros pol serviciu, d'un total de 35 hores mensuales, lo que supón un 45 per cientu de los sos ingresos. Pela contra, la Ordenanza diz que'l cobru tien de ser d'un 22,92 per cientu sobre la prestación si los ingresos son d'ente 486 y 516 euros.