El Círculu Lliberal d'Asturies ye un proyectu de calter asociativu asturianista, democráticu y transversal
Nuna valoración sobre los actos del bicentenariu del 25 mayu, fecha na edición impresa de Les Noticies, Joaquín Aréstegui, diputáu na Xunta Xeneral pol Partíu Popular dixo:
"No tocante a la conmemoración documental tán faciéndose coses interesantes, tán editándose dellos llibros, faciéndose conferencies, etc. Pero paezme que ye mui probe por una razón bien cenciella: el Gobiernu asturianu nun se decató de la importancia fundamental que supunxo p'Asturies los acontecimientos de mayu de 1808 dende'l puntu de vista políticu.
Nun conozo nengún programa d'actos y paezme d'una probitú política espectacular. El conceyu d'Uviéu, pela so cuenta, tien munchu interés y tán faciéndose coses, lo mesmo que dende la Universidá, na celebración del so 400 aniversariu.
Si la Generalitat llega a proclamase soberana y declara la guerra a Francia, taríen celebrándolo como si fuera la fiesta nacional. Y equí, sicasí, hai poca percepción d'esi valor políticu, quier dicise, si esto lo tuvieren los catalanes o los vascos, por poner dos exemplos bien claros, creo que taríen tirando voladores los 365 díes del añu.
Aquel momentu foi únicu pa la historia d'Asturies: la Xunta Xeneral del Principáu declaróse soberana no que nesi tiempu yera una monarquía centralista baxo'l reináu de Fernando VII. Esa Xunta Xeneral declaró-y la guerra a Francia, algamó la paz con Inglaterra, onde unvió comisionaos a la cámara de los comunes que fueron recibíos como dignatarios, organizó un exércitu propiu y animó al restu d'España a llevantase contra Napoleón y recuperar la soberanía nacional.
Depués Asturies tuvo una participación mui importante en tolo que foi la revolución lliberal, cola contribución del Conde de Toreno, Xovellanos, Flórez Estrada, etc. Foi un momentu únicu na historia d'Asturies en cuantes a tar nel primer nivel de la importancia política de la nación. Creo qu'eso nun s'acaba de conmemorar."
Esbilla
del.icio.us
Nun hai comentarios »