Acusen a Areces y a Zapatero polos «enormes retrasos» nes actuaciones de les ayudes del Plan Mineru L'ASTURIES LLIBERAL

El presidente del PP asturianu, que compareció en rueda de prensa acompañáu de José Coto, másimu responsable del partíu en Mieres, y de los diputaos autonómicos José Galcerán y Ramón García Cañal, responsabilizó a Areces y a José Luis Rodríguez Zapatero de los «enormes retrasos» qu'acumula bona parte de los proyectos que se financien con cargu a los fondos mineros, acusando a dambos dirixentes socialistes de "tener poca sensibilidá coles cuenques". Pela so parte, Cañal incidió nes demores na espansión del campus y na Mayacina, al tiempu que vaticinó que les obres del periodu 2006-2007 nun van tar llistes hasta 2014. El parlamentariu fizo referencia al estáu de los proyectos pendientes pal campus de Mieres del plan 1998-2005, como la rehabilitación del área industrial del pozu Barreo o les instalaciones deportives, que los sos plazos yá terminaren o tán averaos a acabase, ensin dar siñales de qu'ocurra nun curtiu plazu de tiempu. Ovidio Sánchez criticó qu'Areces "use siempre los fondos pa lluches contra los sindicatos y hoi teamos pagando esta actitú neglixente". Tamién afirmó nun entender la petición de los sindicatos d'alantrar los fondos de 2009 "cuando tovía nun gastamos les perres de los planes anteriores. L'Alministración quier que nos avecemos a que'l retrasu seya la norma y eso va en perxuiciu de la población de les cuenques".