Nun "artículu" asoleyáu n'abril, Infoasturies, que ye mediu d'información d'un perminoritariu grupu políticu, daba cuenta d'un cursu de formación de la Guardia Civil nel que, supuestamente, vencéyase a los condutores d'automóbiles con pegadielles "GZ" o del escudu de Castelao col llema ‘Denantes mortos que escravos’ col ‘Movimiento de Liberación Nacional Gallego’ que la Benemérita considera como'l "segundu mayor problema de terrorismu n'España". Nesti peculiar documentu que "oportunamente descubre" xente del nacionalismu gallegu más ultramontanu afáyense un conxuntu de partíos, sindicatos y asociaciones col so correspondiente logo pa que los axentes del institutu armáu los estreme meyor.
Lo más delirante d'esa presunta xoya del espionax "tricornianu" ye una "identificación de persones" que se presenta no que paez un PowerPoint bien chabacanu. Masque non menos llamativo ye'l fechu de que la ¿noticia? qu'ufre Infoasturies "tea cocinada" pol Movemento polos Dereitos Civís, ente que forma parte d'esi nacionalismu gallegu que de continuo exerce un testerón imperialismu llingüísticu (y según el casu, hasta territorial) sobre la fastera más occidental del país asturianu. Pa completar l'esperpentu, Infoasturies cuelga'l 16 d'esti mes una nueva titulada Denuncien el colonialismu gallegu . Nun paez que la coherencia sía dalgo qu'abonde nel mentáu mediu d'información "alternativa". Los nuestros llectores puen, evidentemente, sacar les oportunes conclusiones.
Esbilla
del.icio.us
Nun hai comentarios »