L'ASTURIES LLIBERAL

Fonte EUROPA PRESS/ASTURNEWS

El voceru del Conceyu Abiertu pola Oficialidá (CAO), Fernando Ornosa, aseguró güei que'l Partíu Popular asturianu tien "la clave pa la reconocencia oficial de la llingua na reforma del Estatutu d'Autonomía". Nuna rueda prensa, Ornosa lleyó un comunicáu nel que fizo un llamáu al Partíu Popular pa que "cumpla'l so programa electoral y se tengan en cuenta les declaraciones públiques de numberosos y destacaos dirixentes populares a favor de la oficialidá". Ente estos dirixentes citó a los dos vicepresidentes y al secretariu xeneral. Dempués d'espresar el so puntu de vista pesimista sobre la cuestión, afirmó que "hai una puerta abierta tovía, y la clave tienla'l Partíu Popular". Nesti sen, el comunicáu foi especialmente críticu cola Federación Socialista Asturiana, pola so postura contraria a la oficialidá. Asina, fizo un llamáu a esta formación pa "algamar el consensu que solucione esta inxusta situación. Según el CAO, "la voluntariedá d'utilizar una llingua contrapónse cola obligación de la FSA torgando que'l so usu seya llegal". Ornosa criticó les declaraciones de dellos dirixentes socialistes asturianos sobre esti tema, y en concreto les de Manuel Ángel Rodríguez, conceyal del PSOE n'Uviéu, y Jesús Gutiérrez, secretariu d'organización. "Al primeru había que dici-y que que nun diera lleiciones de democracia a naide, cuando él y el so partíu tán escluyendo a una parte de la ciudadanía nuna sociedá democrática", señaló'l comunicáu, en referencia a la última polémica surdida ente esti edil y el responsable municipal de Cultura, José Suárez Arias-Cachero, pol apoyu d'esti últimu a la oficialidá. "Al segundu había que dici-y qu'Asturies y los sos ciudadanos merecen un respetu y tener unos presupuestos y un gobiernu estable, y si la razón pa non tenelos va ser la oficialidá, la solución ye fácil: reconocer los derechos llingüísticos de los asturianos nun exerciciu de responsabilidá política y de madurez democrática", añadió.

.1

.2

.3

.4

Esbilla | del.icio.us