L'ASTURIES LLIBERAL
Bitácora del Círculu Lliberal d'Asturies

El xulgáu d'Instrucción númberu 1 de Llanes almitió a trámite la denuncia fecha pol Partíu Popular por un supuestu delitu de prevaricación y tráficu d'influencies y falsificación de documentu públicu na axudicación del suministru de piedra caliza pa la obra del muelle. L'alcaldesa de Llanes, el so hermanu y dos trabayadores municipales van tener que declarar nel Xulgáu de Llanes por esi supuestu delitu de prevaricación, tráficu d'influencies y falsificación de documentu públicu. La titular del Xulgáu d'instrucción númberu 1, Beatriz Serrano Díez, dictó'l llunes l'autu fixando la declaración pal 4 de xunu, según informaron fontes del Partíu Popular. La denuncia del PP algama tamién a la conceyala d'Emplegu, María Antonio García Arenas, a quien s'atribúi un supuestu delitu de prevaricación; al técnicu municipal Ignacio Vázquez Fernández, por supuesta falsificación de documentu públicu, y al hermanu de la rexidora, Ricardo Álvarez Campillo, por supuestu tráficu d'influencies.