L'ASTURIES LLIBERAL

Fonte LLONGALENDO

El PP de Mieres reanudó la so llucha contra la térmica de La Pereda y el nuevu ciclu combináu propuestu por HUNOSA y ENDESA pa la población. Los populares contestaron al PSOE, qu'apoya el proyectu y que'l so secretariu xeneral, Balbino Dosantos, instó al PP a proponer un nuevu allugamientu, que la nueva central pue asitiase en "cualaquier conceyu de les comunidaes de Cantabria, del País Vascu o de Madrid, qu'él mesmu escueya una, porque los que más demanden esta enerxía, que pretenden produzamos en Mieres, son estos conceyos y comunidaes, polo que puen contaminar les sos tierres y a la so xente si asina lo quieren, pero en Mieres decimos non".
El PP mierense insistió en que cuando'l PSOE fala d'inversiones millonaries y la creación de más de 50 emplegos, trátase de "bilordios intencionaos". Los populares xustificaron estes pallabres al recordar que "yá nos colocaron una térmica qu'a lo supuesto diba a colocar a más de 50 persones, pero tou asemeyu cola realidá ye simple coincidencia y los emplegos nuevos fueron 0, colocóse xente de la propia HUNOSA y nun númberu inferior a los 20 trabayadores".
Los populares mierenses denunciaron tamién que "los pocos emplegos xeneraos son pa fíos de conceyales socialistes, pa fíos o sobrinos de diputaos rexonales y pa fíos, sobrinos, hermanos o nietos de miembros de la executiva socialista". Según critica'l PP, "el restu pasen a engordar les llistes del paru, pero nesti casu, pa enriba, a costa de la nuestra salú, a costa de la destrucción del ecosistema y el mediu ambiente".

Esbilla | del.icio.us