El Círculu Lliberal d'Asturies ye un proyectu de calter asociativu asturianista, democráticu y transversal
El cantante y escritor Carlos Rubiera espubliza güei, nuna carta remitida a La Nueva España, los motivos que lu lleven a dexar la militancia nel Partíu Asturianista. Nesa carta, tres facer referencia a los fechos de la fundación y la historia d'esta fuerza política, Rubiera diz que "foi avergoñante l'actitú del presidente y candidatu del PAS tres les elleciones de mayu de 2007, cuando, en cuenta dar la cara, asumir como propia la derrota electoral y propiciar la renovación del partíu (ideolóxica y personal) escoyó la xida de guardase na tenada, negar la realidá y aferrase al síndrome del vieyu la casería: Yá nun toi pa trabayar la tierra, pero la casería ye mía y nella nun va mandar otru más que yo".
Sigue diciendo Carlos Rubiera "tomáronse decisiones determinantes (como'l pieslle del llocal social del PAS en Xixón y, darréu, el pieslle de l'actividá orgánica y pública del partíu) ensin consultalo y discutilo col conxuntu los militantes; partióse'l patrimoniu del partíu como si fuere la herencia d'un fináu y non un patrimoniu del conxuntu los militantes, simpatizantes y votantes, que lu ficieron posible; incumpliéronse los estatutos del partíu al nun convocar un congresu ordinariu que tocaba cuantayá, y, pa finar, convocóse esi congresu, tres pedilo formalmente un grupu militantes, pero non pa propiciar el debate y la renovación, sinón pa llexitimar xurídicamente'l control y la propiedá d'una marca (la marca PAS), seguramente col enfotu d'intentar negociar, cara a les elleciones autonómiques y municiples de 2011, una allugamientu personal ventaxosu nuna empresa más rentable".
A lo último, Carlos Rubiera afirma "seguiré trabayando na música y nel asturianismu cívicu y cultural, que ye n'onde hai vida y presta trabayar".
Esbilla
del.icio.us
que baxo cayisti carlinos, apuñalando al que más t'apoyó na to vida y too, porque taba clao que perdíes el congresu.
habia que ver quien apoyo a quien. de toles formes rapaz, miente carlos?
home, apoyar apoyáronse mutuamente, pero cuando tuvo cargos institucionales al traviés del pas nun lu vi quexase de la falta de democracia interna, que de xuru yá esistía, esto nun ye nuevo
ya, ya.
Y cuanto tiempu va que nun hai cargos institucionales nel pas?
Carlos dexólo esta semana, non nel 96...