El Círculu Lliberal d'Asturies ye un proyectu de calter asociativu asturianista, democráticu y transversal
El Conceyu Universitariu pol Asturianu (CUPA) anunció un actu na alcordanza del 25 de mayu de 2008 que se fadrá n’Uviéu.
L’eventu va convertise “nel actu central” de la campaña del CUPA pa les elecciones al Claustru de la Universidá d’Uviéu y va entamar frente al Edificu Hestóricu de la Universidá d’Uviéu a les cinco la tarde. Dende esi llugar va salise nun circuitu hestóricu-cultural pol Uviéu del 25 de mayu de 1808, al cargu del historiador Javier Cubero de Vicente.
Media hora más tarde, a les 17:30, na puerta de la Catedral d’Uviéu van facer una ufierta floral na alcordanza de los 200 años del 25 de mayu, darréu van intervenir dellos de los candidatos del CUPA y va interpretase l’Himnu d’Asturies y la Marcha Procesional de Llanes a la gaita, que va tocar Xaime Menéndez.
Programa llingüísticu del CUPA pa la Universidá d’Uviéu, nel que desarrolla “les polítiques progresives pa la normalización del asturianu na Universidá d’Uviéu”. (Clique aquí pa lleelu)
Esbilla
del.icio.us
Paezme importante recuperar les celebraciones que se facíen hai bien d'años al rodiu de l'alcordanza del 25 de Mayu.
Sería bono algamar dalgún tipu de consensu sobre qué organización o xuntanza d'elles podría entamar esos actos de manera qu'atropare'l mayor numberu de voluntaes y apoyos n'años sucesivos.