L'ASTURIES LLIBERAL

L'Ayuntamientu de Xixón editará pal prósimu cursu un xuegu ideáu por un grupu d'alumnos de cuartu d'ESO del IES Padre Feijoo como material didácticu pa la clas de llingua asturiana. Ye un xuegu destináu al deprendimientu del pallabreru tradicional rellacionáu cola comida. Según una nota informativa, ofrecida pola Oficina Municipal de la Llingua de Xixón, el xuegu '¿Qué hai pa comer, Güeli?', ye'l ganador del II Concursu 'Vas velo', conovocáu por esti departamentu pa favorecer la ellaboración de materiales didáuticos per parte del alumnáu de secundaria, que "seyan útiles pa fomentar la práutica oral y escrita en llingua asturiana y que puean tener una aplicación na clase, al tiempu que seyan entreteníos".  L'equipu ganador ta compuestu por Brenda Díaz Rodríguez, Noelia Expósito Marqués, Jonatan Fernández Pendones, Manuel Ángel Fuertes Bernardo, Abel García Nicolás, Irene García Pérez y Sandra González Rosado, de cuartu d'ESO del IES padre Feijoo.

Esbilla | del.icio.us