El Círculu Lliberal d'Asturies ye un proyectu de calter asociativu asturianista, democráticu y transversal
N'Asturies prendiera con fuerza la rebelión. Munchos asturianos murieran en Madrid naquel entamu de mayu y el pueblu d'Uviéu esaltábase ante la llectura de la correspondencia que detallaba los crímenes cometíos pola francesada. Tres la llectura del corréu d'esi 9 de mayu, colos ovetenses ya enfurecíos, los maxistraos y Nicolás Llano Ponte, Comandante Provincial, pretendieron publicar un bandu de Murat. De la Escosura púnxose a lleelu, pero la escandalera nes cais nun lu dexaba falar. Frente a la fonte de Cimavilla, María Andallón y Joaquina Bobela, españaron en glayíos ¡que nun se publique! A partir d'equí, otres persones sumáronse a la indignación, como'l médicu Reconco o el conde de Peñalva que llanzaron la consigna ¡A les armes!. Ési foi l'aniciu. A lo cabero de la década de los ochenta, del pasáu sieglu, los asturianistes ficieron dellos homenaxes cabo la placa que fai alcuerdu n'Uviéu a los Héroes del 9 de Mayu.
1988-Humberto Gonzali, nel centru, lleendo'l manifiestu d'homenaxe al 9 mayu; a la so izquierda Ignaciu Llope; d'espaldes, Xicu Xabel Díaz
Esbilla
del.icio.us
Neses dómines tamién se facía fiesta el 25 de Mayu delantre la Catedral y facíase un actu na Sala Capitular, onde s'aconceyaba la Xunta Xeneral. La organización corría a cargu de Conceyu Bable. Col pasu los años, la celebración nun se consiguió afitar y acabó sumiéndose.
Había que recuperar con enfotu la celebración d'eses dos feches que son fitos perimportantes pal autogobiernu asturianu.
Vaya mozos qu'apaeceis nesa semeya jajaja, ¡que nun muerra esi espiritu collacios! Inaciu Llope cola cabeza pa baxu comu tien por costume :P. Esti añu ta intentandose entamar un actu unitariu pal dia 25 de mayu, a ver si sal p'alantre.
Sí, pero nada nun tien que ver col lliberalismu políticu (el del círculu lliberal). Seya lo que seya va ser pola soberanía popular asturiana.
Non, "ye verdá", sí tien muncho que ver col lliberalismu políticu. Colo que nun tien muncho que ver ye col neolliberalismu económicu. El lliberalismu políticu ye la corriente qu'entamó un camín pa que tú güei tengas drechos individuales y los pueblos drechos colectivos.