El Círculu Lliberal d'Asturies ye un proyectu de calter asociativu asturianista, democráticu y transversal
En glayiu.org paez que a dalguién nun-y importa el "corta-pega" con tal de camudar lo dicho nesti blogue pa que paeza dicir lo que-yos interesa a los amigos del victimismu izquierdista. Los nuestros llectores puen comprobalo darréu:
L'ASTURIES LLIBERAL ACUSA A SUATEA DE TENER RELACIÓN COL ENTRAMÁU POLÍTICU PROETARRA22:30 hores :: 14/Mayu/2008 :: espublizao por anonimx :: [otrxs]"Ante esti nuevu actu criminal, amás d'asoleyar la so repulsa, el Círculu Lliberal quier denunciar qu'a día de güei haya persones o sindicatos que dicen defender la llingua asturiana, y que tengan vinculación con etidaes onde se da abellugu a los que sofiten al entramáu políticu de la banda asesina ETA que, faigamos alcordanza, ente los sos crímenes han de contase l'asesinatu de varios ciudadanos asturianos."
"Suatea forma parte de STEs-INTERSINDICAL , al igual que'l sindicatu STEE-EILAS, organizacion del entornu abertzale, y que vien d'amosar el so apoyu a la fuerza filoetarra ANV. Sería intereseante saber si dende Suatea pretenden aplicar n'Asturies el mesmu tipu de democracia que proponen los sos collacios vascos nesa entidá inventada que nomen "Euskal Herria", si tamién ellos apoyen al mundu etarra, y si los sos enfotos de laicismu talibán tendríen algo que ver coles sos "peculiares" relaciones intersindicales. Quiciás por ello s'esplique la so llonxanza con respecto a Asturies y la so incapacidá pa entender a la ciudadanía asturiano."
Los llectores puen adicar que s'amesten dos testos que correspuenden a dos posts estremaos (marcamos los dos en collores distintos), lo que preba a les clares la intención de manipular y camudar la realidá, afición ésta ya vieya en ciertos totalitarismos. Recordamos lo que nesta páxina se diz sobre l'autoría del material publicao:
El Colectivu Editorial Glayíu nun se fai responsable pol material publicao nesti sitiu, al nun ser lo qu’apaez firmao pol Colectivu Editorial Glayíu. Tola responsabilidá pa comprobar la verdá y los derechos de reproducción d’un unviu correspuenden al autor o autora que lo publica. Al publicar material nesti sitiu l’autor o autora del unviu asume que pue ser redistribuyíu con llibertá
Poro, esperamos que d'alcuerdu colo reflexao nesi párrafu, el Colectivu Editorial Glayíu, que nun ye'l firmante, nun asuma manipulación tala. Por embargu, sería procedente que nel sitiu web curiaran de comprobar la veracidá de titulares como'l que se mencionaba antes.
Esbilla
del.icio.us
¿tracamundiu?
¿Nun ye eso lo que tais diciendo con "que tengan vinculación con etidaes onde se da abellugu a los que sofiten al entramáu políticu de la banda asesina ETA"?
Porque si nun ye asina, meyor camudabais la redacción...
Vity, esi cachu ye d'una noticia onde nun mencionen a SUATEA.
Y nel casu la otra noticia, ¿ónde ta'l problema?. Nun se pón SUATEA d'aquella manera cuando ataca a los de les sotanes. Yo nun veo que critiquen a esti sindicatu por defender la llingua, critíquenlu por dir de la mano del PSOE nesi laicismu tan pasáu de moda. Y critiquen que tea nuna agrupación d'organizaciones sindicales onde tamién ta un sindicatu d'enseñantes del mundu filoetarra, proetarra, comprensivu con ETA, o llámalu como quieras; pero d'esi mundu que toos sabemos. Si SUATEA se pon radical con un asuntu como'l de metese colos católicos, nun se pue estrañar de qu'otros-y apliquen la mesma melicina. Aquí decíen que lo que igual molesta ye qu'haya una derecha asturianista. Pues el casu ye qu'esa derecha esiste y cada vegada con más fuerza, pero eso sí, que tien xente que conoz mui bien el palu del asturianismu porque vien d'elli. Y eso implica que se sabe lo que somos y los que somos. Esto ye un cambiu cualitativu perimportante. Estos nun son los de la Tía Nemesia.
A mi lo que nun me presta ye qu'agora los de glayiu dexen que quién sía pegue dos noticies con tan mala intención. Naide ta diciendo que SUATEA tenga relación col entramáu políticu d'ETA. Dan costancia del fechu que comenté antes y a quien tenía que sona-y preocupante ye al propiu SUATEA, pero ellos escueyen en qué entidaes tán. Personalmente paezme un error del SUATEA tar onde tán sobre too porque una de les grandes lloses que sufrió l'asturianismu, delles veces con motivu, ye'l bilordiu de la imitación de lo vasco. Lo d'asturchale yera la muestra más palpable. Y aquelles vieyes conexiones (que yo nun se si había algo de cierto o non)ente ETA y el CNA, yá marcaren pernegativamente la llucha pola llingua, y dende entós nun acabamos de quitanos el sambenitu.
Agora, tol mundu ye llibre de facer la política que quiera, aceptando que nuna sociedá plural el pluralismu ye lo normal. Si l'asturianismu va camín de la normalidá, va ser tamién normal esi pluralismu ideolóxicu.
Ai sí, los de glayíu, sí hom, esos de la focetuca y el martillín, d'esos que salíen en Novecento. Otra cosa nun la séi ninu, pero modernos son a maza, mira tu que van presentanos a un valor n'alza, d'esos de la política mundial, a un paisanetu que lu nomen Lenín.
Home chicos del circulu... val que xuguéis a la demagoxa barata esa que asocia al sindicatu mayoritariu na enseñanza n'Asturies con otro de la izquierda abertzale=nacionalista (que nun pon bombes nin mató a nengún asturianu) porque tan nuna mesma federación na que hai otra decena de sindicatos de toa España. De la mesma manera se-y puede asociar al Papa de Roma cola pederastia, col filo nazismu o al PP coles 'bondaes' del nacionalcatolicismu. El segundu párrafu entesacao, por sí solo, ya ye insultante.Y el primeru ¿que ye que vos tais refiriendo a UXT o CC OO? ¿O quiciaves al ANPE? Ah, non, qu'estos ultimos lo de la llingua nun-yos va.
En cuantes a lo de que 'El círculu lliberal nun se fai responsable...' ¿nun se fai responsable de lo que firma? ¿Acaso venceyar a cualquiera a ETA ye lóxico y normal, y que te llamen facha ye la de dios?
Lleendo babayos como los de Asturies liberalll petez nun volver a lleer nin pallabra n´asturiano.Oye como nun fichais a Chema Vega ta muy en la llinia polo q veo coles vueses ideges y asina podeis fundar el partiu nazi d´equi.Venti putos años peleando pol idioma d´esti pais pa que unos pretendan facer asturianismu colos nietos de Franco y pa que otros faigan llibros ensalzando les virtudes de la europa blanca.Yo me cago en la puta madre que vos pario.Si el idioma vale pa esta mierda podeis metelu en culo.A mierda toles patries y tolos facismos.
A ver Miguel ¿qué problema tiés? Vamos que pa ti l'asturianu ye namás cosa d'una ideoloxía en concretu. Pa los demás nun val. Pues vaya demócrata de mierda yes tu.
Per otra parte la información que daben los d'asturies lliberal ye totalmente cierta. SUATEA ta nuna intersindical onde ta un sindicatu de la rodiada etarra, y ta allí pola so propia voluntá. Esto ye innegable. Otru tema ye que a ti te preste'l mundu etarra. Entós tábemos falando d'otra cosa.
Y pa terminar, aquí'l que dexa un fedor a socialfascista qu'echa p'atrá yes tu. Míratelu por si tas a tiempu