La Xunta Xeneral cellebra 'La Selmana de les Lletres Asturianes" con una llectura intitucional de testos lliterarios n'asturianu L'Asturies Lliberal

La Xunta Xeneral del Principáu d'Asturies, en collaboración cola Conseyería de Cultura, súmase gëui a la celebración de La Selmana de les Lletres, con una llectura institucional de testos lliterarios n'asturianu. L'actu va dar entamu a les 13.00 hores nel Salón Europa. L'actu entamaralu la presidenta de la Xunta, María Jesús Álvarez González, que va emprimar con un poema de María Teresa González incluyíu nel volume ''Obres completes'', editáu pola Conseyería de Cultura. Posteriormente, continuarán lleendo poemes el delegáu del Gobiernu, Antonio Trevín, los conseyeros de Cultura, Encarnación Rodríguez Cañas; Educación, José Luis Iglesias Riopedre; Salú, José Ramón Quirós, y Infraestructures, Francisco Gonzáles Buendía. Van participar de la mesma manera, ente otros, diputaos de los tres grupos políticos representaos na Xunta --PSOE, PP y IX/BA/LV-. Dalgunos de los participantes van lleer testos incluyíos nuna publicación editada pola Xunta Xeneral con motivu d'esta cellebración, baxo'l títulu Sentir que toi viva. El llibru contién un total de 40 relatos cortos escritos especialmente pa esta ocasión por otros tantos autores asturianos. Tamién van lleer diputaos por Asturies nel Congresu y senadores como José Manuel Cuervo, Hugo Morán, Pilar Fernández Pardo (que lleerá un poema d'Humberto Gonzali) y Dorinda García.