entamó l'envíu masivu de protestes a la TPA poles burlles a lo asturiano na so programación
Esta tarde entamó un envíu masivu de correos de protesta a la TPA pola presencia na so parriya de programes que fain risión de lo asturiano, en dientro d'una campaña que va dir aumentanto n'acciones a lo llargo del mes de mayu. Dende'l Círculu Lliberal ta faciéndose, igualmente, un llistáu d'empreses patrocinadores y collaboradores del programa Terapia de Grupo, col envís de proceder a encamentar per aciu delles víes el correspondiente boicot económicu. Toles iniciatives quieren llograr el desaniciu de los conteníos ofensivos contra l'asturianidá, y han completase con otres que darréu esixirán un presencia digna de la nuesa llingua na radiotelevisión público del país.
Esbilla
del.icio.us
El Círculu Lliberal d'Asturies ye un proyectu de calter asociativu asturianista, democráticu y transversal
SE IMAGINAN USTEDES A LOS CATALANES HACIENDO UN PROGRAMA RIÉNDOSE DE SU LENGUA. PUES ESO.
MANUEL | 04-05-2008 - 17:25:18 GMT 1 #
¿Y porque non (meyor) una campaña pa que se-y acate la sentencia que-y da la llicencia de radio comercial a Radio Sele?
Vity | 04-05-2008 - 19:02:27 GMT 1 #
de verda l'enemigu ye "terapia de grupo" ? los unicos que faen programacion nel nuestru idioma fuera de la cuote subvencionada ?
ayalgueru | 04-05-2008 - 19:44:32 GMT 1 #
Si la llingua va usase na teletini pa eso val más que pesllen yá la emisora. Seriedá coño.
Y si quieren facer una campaña pa lo de Radio Sele pareceríame tamién de puta madre.
Yá ta bien de reise de los asturianos. Y los peores los que van de mui asturianos. Menos pose y más trabayu patrióticu. Al final van ser los de la derecha los que se van mover con un par.
Balandrán | 04-05-2008 - 19:56:40 GMT 1 #
como qué los únicos????
son los que peor tratamientu dan al idioma
tán ehí camín de cantares, al aldu, prestaasgaya, etc.. q nun son de sovenciones , digo yo
unu | 05-05-2008 - 00:09:28 GMT 1 #
Al Aldu, Nós, Camín, etc, son la "cuota en asturiano" oficial de la TPA.
Pero Terapia de Grupo, que ye'l programa que más cala ente la xente mozo, yera un programa "teóricamente" en castellán y emprimaron a usar l'asturianu porque-yos dió pola gana. Namás. Cada vez meyor, y cada vez menos diglósicu. Va ser un programa a recordar, de xuru.
Xuan | 05-05-2008 - 06:05:29 GMT 1 #
Posiblemente bien pronto tendremos que lu recordar porque será pasáu.
Balandrán | 05-05-2008 - 06:28:30 GMT 1 #
terapia tienen fecho pola normalización del asturianu tresmil vegaes más que milenta Al Aldu
vós sois los lliberales??? llibertá d'espresión!!
¡¡INQUISICIÓN NON!!
grao | 05-05-2008 - 06:28:55 GMT 1 #
Vaya, vaya, Grao, con que lo del Partíu Percélticu tien fecho nun sé cuánto pola normalización. ¿Tu que yes, bobu o faiste? O igual non, igual tienes acciones nel programín ¿eh?
Nel Coto | 05-05-2008 - 08:16:43 GMT 1 #
grao, la única inquisición ye la de los malos payasos de Terapia. Nun normalicen ná. Son unos acomplexaos, unos diglósicos, que creen que la llingua val namás que pa la risión. Son como los franquistes, usen lo asturiano pa lo mesmo. ESA YE LA NORMALIZACIÓN QUE QUIER LA FSA. Puru fascismu.
David Fueyo | 05-05-2008 - 09:41:23 GMT 1 #
Si l'únicu problema ye l'usu diglósicu, (que nun creo que queramos nengún), pos entamái una campaña pa meyorar el rexistru d'asturianu d'esti programa y pa que nun vuelvan facer bromes como la del partíu nazi percelticu, pero pidir que lo retiren, col éxitu que tien y cola oportunidá normalizadora qu'ufriría...paezme un error, al final vais facer que solo queden los retalinos de 5 minutos y los programes cultures, qu'anque importantes (como camín de cantares), nun son pa les mayoríes nin pa xente mozo que nun tea enfotao nel tema.
Vity | 05-05-2008 - 13:39:07 GMT 1 #
Bien vity da igual la diglosia y la coña a costa l'asturianu. ¿Y con estos mimbres queríes facer país?. Yo nun soi partidariu de la más mínima broma nin cola llingua nin col celtismu. Nesti tema toi viendo que los únicos que tienen visión de país ye la derecha asturianista. ¿Ónde ta la esquierda nacionaliega? ¿Ónde les Andeches y Unidá?. ¿Úlos?. Y tovía nos nun pescanciemos qu'ente tol nacionalismu d'esquierda nun se llegue a los cincu mil votos. Normal. Si yá xustificamos mierdes como TERAPIA DE GRUPO. ¿Ónde vamos asina ho?
Xuacu | 05-05-2008 - 15:25:53 GMT 1 #
Nun lo entiendo bien...A mi esto paezme mas bien una estratexa soterrada del PP pa quitar tou l'asturianu que nun quepa na minicuota de la tpa. Soi nacionaliegu independentista y terapia nun me molesta...¿van llamame antiasturianu los de el PP?
Vindius | 05-05-2008 - 15:29:24 GMT 1 #
Pues sí Vindius, sí, si sofites TERAPIA DE GRUPO yes ANSTIASTURIANU. Tómalo como quieras. Y dende llueu los peperos del Círculu puen llamátelo ensin problemes que'l so presidente tien más currículu por Asturies qu'un cientu de los que se dicin independentistes. Lo qu'importa ye los fechos lo demás yá nun val pa ná. En trenta años yá vimos pa lo que dió ciertu nacionalismu d'opereta.
Xuacu | 05-05-2008 - 15:37:57 GMT 1 #
La verda ye que da pena esi humor chambon...
Tal paez que nun preparen el programa, ye to una fatada tras otra.
lolo | 05-05-2008 - 15:47:58 GMT 1 #
Oyi Xuacu, a ver si baxamos 2 tonos y deprendemos a lleer, que toi hasta la poya de lleiciones d'asturianía...DIXI QUE NAIDE QUIER L'USU DIGLOSICU NA TPA primer puntu, segundu, NUN SÉ A QUE COÑU SAQUES EL TEMA DE LA MILITANCIA POLÍTICA cuando yo en nengún momentu eché escontra nengún partíu, que la mio militancia seya pública nun te da derechu a menospreciala.
Vity | 05-05-2008 - 20:53:59 GMT 1 #
H.oder Vity entós pa qué coyones dices eso de pero pidir que lo retiren, col éxitu que tien y cola oportunidá normalizadora qu'ufriría...paezme un error. ¿Ónde ta esa oportunidá normalizadora? Da-y a esi programa'l mínimu respiru ye face-yos el xuegu a la FSA. Los socialistes lo que quieren ye una tele onde l'asturianu vease n'horariu de máxima audencia usáu chambonamente, pa facer risión de los paletos que falen bable. De verdá, si nun lo ves entós habría que dexar pa prau la normalizacion llingüística. Y vuelvo decilo, onde tán les fuercies polítiques que menté. ¿Qué ye? Que con facer procesión pela cai Uría una vegada al añu ya ye abondu. Toi seguru que nel fondu'l problema ye qu'esta iniciativa sal del Círculu de Gonzali. Si la cosa fuera asuntu de Nacho Llope toi por apostar que tabes diciendo otra cosa. Y eso tien pinta de seutarismu, y por culpa del seutarismu tamos na miseria na que tamos. Y esto nun ye menospreciu de nenguna militancia, ye analís puru y duru de la realidá. Preste o nun preste. Si en temes como esti nun podemos facer toos piñu entós algunos tendremos d'escoyer. Y yo toi perdiendo la poca confianza que me quedaba nel nacionalismu clásicu y empiezo a creer nel posibilismu. Pior nun taríemos per esi camín.
Xuacu | 05-05-2008 - 21:10:29 GMT 1 #
A Jeremías Astudillo. LLAMENTAMOS TENER QU'ESBORRAR EL SO COMENTARIU POR TRESPASAR LA LLENDE DEL RESPETU MÍNIMU QUE-Y PEDIMOS A LES PERSONES QUE QUIERAN ESPEYAR LA SO OPINIÓN NESTI BLOGUE. NUN SON DE RECIBU LES SOS REFERENCIES AL PRESIDENTE DEL CÍRCULU LLIBERAL. SI QUIER COMUNICA-Y LO QUE CONSIDERE OPORTUNO PUE EMPOBINASE AL CORRÉU SIGUIENTE, FACIENDO VER LA SO IDENTIDÁ: circululliberal@gmail.com
Círculu Lliberal | 06-05-2008 - 00:43:00 GMT 1 #
Vaya, si lo único que fixi foi dirixime personalmente a Humberto (conózolu en persona y cónstame que ta presente nesti sitiu) con naturalidá, con confianza y sin falta-y al respetu dende nengún puntu de vista. Paezme que'l lliberalismu d'esta páxina ye más de picu que de verdá. Siéntolo muncho, pero yo a eso llámolo censura. Una cosa más propia de los totalitarismos que del lliberalismu.
Jeremías Astudillo | 06-05-2008 - 00:57:50 GMT 1 #
Jeremías Astudillo, SENTIMOS MUNCHO QUE LES NORMES DE PUBLICACIÓN DE COMENTARIOS NUN-Y PRESTEN. EN CUANTES A LA SO ATENTA LLEICIÓN DE LLIBERALISMU, SENTIMOS TAMIÉN TENER DE NUN-Y L'ACEPTAR, MAS QUE NADA PORQUE ENTENDEMOS QUE YE UNA IDEOLOXÍA QUE VUSTÉ NUN PROFESA POLO QUE-Y TIEN DE VENIR ALGO LLEXANA. TOCANTES AL PRESIDENTE DEL CÍRCULU LLIBERAL PODEMOS DECI-Y QUE SÍ TA PRESENTE NESTI SITIU, CUANDO LU MENCIONAMOS NUN POST O, BIEN, CUANDO MANDA UN ARTÍCULU A ESTI BLOGUE. NUN SIENDO ÉL INTEGRANTE DEL GRUPU PERSONES QUE FACEMOS EL BLOG VOLVEMOS RECORDA-Y QUE SI TIEN INTERÉS EN COMUNICA-Y LO QUE VUSTÉ ESTIME CONVENIENTE, PUE USAR EL MÉTODU QUE-Y INDICAMOS ANTERIORMENTE. GRACIES.
Círculu Lliberal | 06-05-2008 - 01:04:05 GMT 1 #
Ta bien. Gracies por tanta y tan inmerecida atención, de toes maneres.
En cuantes a la so apreciable capacidá d'adivinar el mio pensamientu políticu basándose en cinco ringleres escases (censuraes, otramiente), permítame usté que m'esboroñe de risa sin chiscalu/a coles llarimines que me caen.
Como les mios idees (lliberales, societaries o mediopensionistes) nun puedo espresales equí, remito a los fechos que s'acaben de ver: el paladín del lliberalismu que xestiona esta páxina censura comentarios de manera inxustificada. Apreciáu señor/a: a usté vien-y mui grande eso del lliberalismu, el pluralismu, la tolerancia y la democracia. Palabres llargues, difíciles y a veces griegues que de xuru nun va llegar usté a pescanciar na puta vida.
Jeremías Astudillo | 06-05-2008 - 01:24:57 GMT 1 #
A Jeremías Astudillo.VEMOS QUE TOLO DICHO ENANTES AFINA PERBIEN EL PERFIL QUE SUPONÍEMOS. NUN DECIMOS NIN DESCUBRIMOS NADA QUE VUSTÉ NUN DIXERA NIN ESPLICARA COLES SOS PROPIES PALLABRES. Y SI LO PIENSA BIEN, COLA SO ÚLTIMA FRASE YÁ DEFINE A LA PERFEICIÓN LA SO FORMA DE PENSAR QUE, LO QUE SON LES COSES, NUN COMPARTIMOS:
Palabres llargues, difíciles y a veces griegues que de xuru nun va llegar usté a pescanciar na puta vida
Círculu Lliberal | 06-05-2008 - 06:32:44 GMT 1 #
Home, amás de censores y carcones tamién sois monxarratos y d'oreyes delicaes ¿eh? Ye verdá, eso de "na puta vida" ye una cosa rarísima que namás dicen los vendíos al PSOE, seguramente.
Bienveníos a la realidá, hipocritones míos.
Falo | 06-05-2008 - 12:38:24 GMT 1 #
Terapia de Grupo fae muncho por siguir alimentando los prexuicios escontra l'asturianu de muncha xente. Paez que la nuestra llingua namás val pa la chancia o pa les gochaes.
Cundi | 18-05-2008 - 00:36:27 GMT 1 #