El doctor en Ciencies Económiques David Rivas, Llámpara d'Oru de la Sociedá Clarín
La Sociedá Cultural Clarín, de Quintes, comunicó que la entrega de la Llámpara d'Oru, que s'otorga con calter bienal, recaerá esti añu en David Rivas Infante, doctor en Ciencies Económiques de la Universidá Autónoma de Madrid, escritor en llingua asturiana, y miembru de la Xunta Directiva de l'Asociación Cultura l'Arribada, y que siempre tuvo una vinculación activa con esta sociedá, siendo pregoneru y delles veces presentador. Con esti gallardón búscase premiar a aquelles persones qu'enaltezan el nome de Villaviciosa y tamién d'Asturies. Ente los premiaos tópense figures como'l médicu Francisco Grande Covián; l'artista Joaquín Rubio Camín, la escritora Ángeles Caso; el gaiteru José Ángel Hevia; el piragüista Manolo Busto y el académicu de la Lengua Española Víctor García de la Concha, ente otros.
Les actividaes lligaes al festival comenzarán el prósimu día 10 de mayu, con una cena social y presentaránse a la prensa'l día 13, siendo la entrega'l día 24.
Esbilla
del.icio.us
