Alministra'l to Blog

¡Crea'l to Blog yá! Fácil y de baldre

L'ASTURIES LLIBERAL
Bitácora del Círculu Lliberal d'Asturies

27/04/2008 GMT 1

Nos prósimos díes un grupu promotores aconceyará nun hotel de Mieres pa estudiar la creación d'un diariu en llingua asturiana

circululliberal @ 22:12

hotelpf

Sigún pudo saber L'Asturies Lliberal de fontes averaes al proyectu, un grupu de promotores, formáu por empresarios, xestores culturales y profesionales de medios de comunicación, van reunise a primeros de mayu nun conocíu hotel del conceyu Mieres pa entamar l'estudiu d'una iniciativa editorial que quier, ente más otres coses, facer posible l'aparición d'un nuevu periódicu diariu d'ámbitu asturianu, cola novedá de que s'editaría en llingua asturiana. Una de les opciones que s'analizarán contempla la participación d'una importante empresa editora de calter estatal, cola que se tuvieren dellos alcuentros nes últimes selmanes. El grupu entamador apuesta por un mediu allugáu na centralidá política, asturianista y abiertu a toles sensibilidaes presentes na sociedá asturiana, que valga de calce p'amosar tolos enfotos que nazcan na nuestra comunidá autónoma. Nel mesmu aconceyamientu esbillaránse tamién les diverses víes de trabayu na edición dixital y na producción audiovisual.

Trackback URI

Comentarios

Comentarios(22) »

  1. Una noticia perbona.

    Casio | 28-04-2008 - 07:53:58 GMT 1 #

  2. yá podía ser verdá... bonísima noticia si fore asina...

    embaxador | 28-04-2008 - 09:13:54 GMT 1 #

  3. Si se llogra que saquen alantre esti proyeutu podremos dicir que l'asturianismu dio un pasu de xigante.

    Balandrán | 28-04-2008 - 09:40:59 GMT 1 #

  4. Cojonuda la noticia. A ver si por fin tenemos un periódicu asturianu.

    Pachu Xomezana | 28-04-2008 - 09:59:27 GMT 1 #

  5. Esti país por fin entama a furrular

    Vidiu | 28-04-2008 - 10:12:34 GMT 1 #

  6. Fai falta un periódicu decente na nuesa llingua porque lo que tenemos, en papel, ye una puxarra pa cuatro amigos.

    Cimavilla | 28-04-2008 - 10:22:27 GMT 1 #

  7. Un país contruíse con ferramientes como son unos medios de comunicación potentes y democráticos. Hasta agora tenemos periódicos dixitales curiosos que faen un trabayu prestosu, como son asturnews y asturies.com. Cada día hai más blogueros que tan na xera d'usar l'asturianu y la Uiquipedia nun apara de xorrecer. Hai mui poco en televisión. Y lo único qu'hai en papel resultó un fraude total al asturianismu.
    Esta iniciativa ye pernecesaria.

    ayalgueru | 28-04-2008 - 10:26:25 GMT 1 #

  8. Todo lo que sea fruto de la iniciativa privada y con espíritu empresarial es positivo. Creo que toda aportación a la modernidad de nuestra región es positiva. Todas las comunidades bilingües tienen sus propios diarios en el idioma autóctono. Asturias no tiene por qué ser menos. Proyectos de este tipo que no recurran al consabido recurso de la subvención política son muy importantes para nuestra cultura. Si el proyecto se consolida contará con el apoyo diario de muchos asturianos que apreciamos a nuestra lengua regional.

    LIBERAL | 28-04-2008 - 11:01:16 GMT 1 #

  9. Sólo espero que l'anuncia del proyeutu nesti blogue sea dalgo pensao y calculao y non una indiscreción que lu ponga en peligru... ye tan bona noticia que mieu da que nun cuaye.

    Jesusito | 28-04-2008 - 11:13:12 GMT 1 #

  10. Jesusito tien tola razón. Quiero ser optimista porque esti tipu coses lleven tiempu y discreción abonda pa llegar a bon puertu. Supongo que la publicación de la noticia respuende a que l'asuntu ya ta mui avanzáu.

    Nel Coto | 28-04-2008 - 11:16:29 GMT 1 #

  11. SI SE CONSIGUE SERÁ UNA MUY BUENA NOTICIA. EL BABLE NO PUEDE ESTAR EN LAS MANOS DE LOS DE SIEMPRE.

    Fernando | 28-04-2008 - 12:29:22 GMT 1 #

  12. Fernando, tranquilu, el bable nun ta namás que nes manes del que lu quiera usar. Y sí, ye una mui bona noticia que vien a demostrar cómo munchos avances, casi toos, vienen d'iniciatives privaes, de xente qu'escribe, canta, llee, o rotula n'asturianu los cartelos de la so tiendina, como la frutera d'embaxu mio casa.

    Jesusito | 28-04-2008 - 13:06:52 GMT 1 #

  13. Alégrome muncho d'esta noticia y en particular de que'l periódicu naza "abiertu a toles sensibilidaes presentes na sociedá asturiana". Soi algo escépticu d'eses bones intenciones, pero tener tienen el mio enfotu. P'alantre con ello y muncha suerte.

    Flórez | 28-04-2008 - 13:29:35 GMT 1 #

  14. ¿Qué sensibilidaes? Seyamos serios, si apaez equí per primer vez la noticia, toos sabemos la llinia editorial que va tener, allá caún si nun lo quier ver, anguaño nengún periódicu recueye "toles sensibilidaes" del movimientu pro-llingua y esti nun creo que vaya facelo.

    Per otru llau, no que cinca a la presencia diaria de la llingua nos quioscos, paezme perbién.

    Vity | 28-04-2008 - 14:16:44 GMT 1 #

  15. Pa recoyer toles sensibilidaes del movimientu pro-llingua o asturianista nun llega nin sacando unes paxines amarielles al dia.

    ya | 28-04-2008 - 16:53:19 GMT 1 #

  16. De mano, ya paez poco serio la manera d'anuncialo, asina que de xuru quede pa prau.
    Veremos, dixo'l ciegu.
    Salú.

    Ateyavana | 28-04-2008 - 20:31:53 GMT 1 #

  17. A teyavana paez-y poco serio la manera d'anuncialo, y diz que por ello de xuru va quedar pa prau. ¡Coño colos defensores del asturianu! A ver si ye que h.ode que'l proyeutu venga de la derecha y non de la izquierda (plural, pero plural, plural).
    Lo que sí comprobé ye que toles informaciones salíes d'esti blogue confirmáronse darréu. La última, cuando anunció en primicia que Vicente Gotor mantenía'l compromisu de fai cuatro años cola Xunta Pola. Nun lo sabíen ni na Xunta pero nesti blogue sí lo sabíen. Pues porque contrasten o tan ellos mesmos participando na noticia.
    Tarán tamién los que nun paren de rezar (hasta los ateos y laicistes) dende que salió la noticia. Ven cómo se-yos acaba'l chollu. Nun se yo si a teyavana tendrá algo que ver con esi piñu interesaos. A lo meyor too tien una esplicación tan fácile como esa.

    Benxamín | 28-04-2008 - 21:04:28 GMT 1 #

  18. Ya tien tola razón. ¿Qué ye eso de recoyer toles sensibilidaes del movimientu pro-llingua?. Eso nun lo diz la noticia. Fala de sensibilidaes que se dan na sociedá asturiana, y la mayor parte d'eses "sensibilidaes pro-llingua" tan de psiquiatra.
    Si llogren sacar el diariu que sía un periódicu de derecha. De lo otro ya hai de toa triba y a maza.

    Benxamín | 28-04-2008 - 21:10:36 GMT 1 #

  19. Ye bobería. ¿Izquierda o derecha? ¿Qué hai anguaño n'Asturies? ¿cómo ye la prensa asturiana? El solo apueste de salir a la cai n'asturianu ya amuesa voluntá de pluralidá. Porque cuido que taremos falando d'un diariu, non d'un fancine. De ónde salga la noticia dame lo mesmo, si la noticia ye bona... y se confirma.

    Jesusito | 28-04-2008 - 21:39:44 GMT 1 #

  20. Sinceramente soi d'izquierdes (de la rial non de la plural -PSOE-IU-) y paezme unaperona noticia. Lo ue tenemos anguaño Les Noticies ye de la derecha pero la derecha vendía y oficialista qu nun fain más que dar cancha a los fartones. De xuru qu'esta xente anque seyan de dereches polo menos serán criticos cola mafia y a poco de pluralidá que-y den al proyectu (anque como ye normal tiren más pa lo d'ellos) va ser bona cosa.

    Namás pido eso, pluralidá, que de sectarismu y llambeculismu de Les Noicies tamos fartos.

    Yo | 29-04-2008 - 15:19:16 GMT 1 #

  21. A ver si ye verdad

    unu | 29-04-2008 - 16:42:33 GMT 1 #

  22. Esperemos que salga p'alantre. Falta fai.

    Apolmonáu | 29-04-2008 - 22:34:58 GMT 1 #

Dexar un comentariu


<a href> <em> <blockquote> <strong> <cite> <code> <ul> <li> <dl> <dt> <dd>

Contautar col autor o autora | Archivu | ¡Crea'l to Blog yá! Fácil y de baldre