L'ASTURIES LLIBERAL

Ayeri diéronse en Villaviciosa los premios qu'añalmente concede la revista El Llagar de Sobigañu. L'actu entamó a les siete la tarde con una espicha na sidrería-restaurante El Roxu de la villa, ante cuasi 150 invitaos, y presidiólu Pilar Fernández Pardo, presidenta del Partíu Popular de Xixón, a la qu'acompañaben Severino Álvarez Zaragoza, presidente de la Federación Asturiana de Comerciu, Manuel Busto, alcalde de Villaviciosa, Asensio Martínez Cobián, anterior alcalde, dellos conceyales maliayos y Adolfo Sánchez de la Venta, editor de la revista promotora de los galardones. Los premiaos nesta edición fueron Manuel Peruyera de Sidra Coro y la Cofradía Jesús Nazareno. Tamién s'entregaron nel mesmu actu los premios del concursu de redacciones col tema "Sidra d'Asturies". Los ganadores fueron:
- 1º ESO: Astrid Baur Fernández
- 2º ESO: Reyes Junquera Meana
- 3º ESO: Rosa Cando Rosas

Esbilla | del.icio.us