El Círculu Lliberal d'Asturies ye un proyectu de calter asociativu asturianista, democráticu y transversal
Conceyu Universitariu Pol Asturianu
El Conceyu Universitariu pol Asturianu (CUPA) quier celebrar públicamente la victoria de Vicente Gotor nes elecciones a Rector de la Universidá d’Uviéu. Una victoria que pa nós ye un síntoma del cambiu de mentalidá na comunidá universitaria asturiana, qu’apuesta por un modelu d’institución que mire p’Asturies y que tenga a la llingua asturiana como l’elementu de gran importancia que ye.
Dende’l CUPA creemos que n’esta contundente victoria de Vicente Gotor tuvo muncho que ver l’apoyu del electoráu asturianista qu’impulsamos dende la nuesa organización y que supunxo un reblagu nel númberu de votos en munches de les facultaes.
Queremos, poro, agradecer l’apoyu d’eses persones que como nós, creen que l’equipu de Gotor ye’l más afayadizu pa la normalización del asturianu dientro de la nuesa Universidá y queremos tamién face-yos saber que collaboraremos pa que n’esta nueva etapa, el Rectoráu faiga les polítiques afayadices pa esa normalización.
D’otra banda, paeznos de xusticia denunciar delles práctiques llevaes a cabu a lo llargo de la xornada previa y na mesma xornada de votaciones de la segunda vuelta d’estes elecciones. Unes práctiques caciquiles que se llevaron alantre dende dellos sectores y que mos paecen más propios d’otros tiempos pasaos, pa nós un indicador de la so escasa cultura democrática
Pa finar queremos recordar y afitar que’l CUPA ye una organización independiente de cualesquier partíu políticu, sindicatu, grupu de presión, etc. que nun rinde cuentes a naide, sacante los sos miembros y que respeta la independencia de toles demás organizaciones. Polo tanto, esiximos la mesma actitú al restu de les organizaciones.
Dirección del Conceyu Universitariu pol Asturianu
Esbilla
del.icio.us
bon trabayu la xente del CUPA, a ver si respuende agora bien Gotor, pero vamos, meyor que la candidata de la FSA, DE XURU
Con esto de les eleiciones yá teneis escusa pa esviar l'atención de la reforma l'estatutu, ye que como paez que'l PP quier más debatir sobre la capitalidá d'Uviéu y non la oficialidá de la llingua, nun vos interesa dicilo.
Vity, ¿qué tendrá que ver una cosa cola otra?
Oxetivamente'l programa de Paz yera muncho meyor pa la llingua (el de Gotor yera como'l de Vázquez) pero oxalá Gotor cumpla'l decálogu col que se comprometió cola Xunta va cuatro años y esti añu. Dicen que ye un paisanu de palabra. Agora tien que demostralo, y amás apoyándolu taba xente mui asturianista que va pidi-y cuentes. Norabona pa ellos y oxalá consigáis qu'esto avance.
Lo que sí ye denunciable ye que un Conceyu pantasma y francotirador que formen dos amigos apaeza l'últimu día franciendo una estratexa de neutralidá que fixo que tolos candidatos apoyaren la llingua. Ye lo de siempre. Si quies portagonismu trabáyalu, pero nun t'aproveches d'otros, valiendote del so trabayu pa salir na foto.
Y respectu al PP, tien razón Vity, anque nun tenga que ver. Van aprobar col PSOE un estatutu ensin reconocer la llingua.
¿Un Conceyu pantasma?¿Estratexa de neutralidá? Nun se, pero a mi esi llinguax suéname, y suéname a propiu d'otres époques y de cierta ideoloxía perconcía na Europa Oriental.
Yo solo se que la candidata Paz montó una Plataforma apiná de xente de la FSA que caía mui bien a persones de la Xunta pola Defensa la Llingua. ¿Yera la Xunta neutral?. Dende llueu la Xunta Moza non, y hai datos y nomes. Y lo de pantasma, ¿qué otres asociaciones de defensa de la llingua tienen más presencia na universidá qu'esi Conceyu mencionáu?¿Úles?
Y cupus, ¿yes adivinu o simplemente dices lo que diba prestate que pasare?.
Nel Coto, o sea les palabres "pantasma" y "neutralidá" suenente a la URSS? Joder, pues faitelo mirar, porque eso tien que tar descrito como, mínimo, pensamientu obsesivu.
"Yo solo sé"...Vaya cara que tienes. ¿Hai datos y nomes? "caía mui bien" ¿qué criterios son esos?
Los datos, los nomes y el trabayu tieneslos en www.exunta.org
La xunta moza fixo un trabayu impecable con tolos candidatos qu'apoyaron les sos reivindicaciones y foi radicalmente neutral. Ye más, pudo dicir que'l programa de Gotor falando de respetar l'asturianu "dientro de la llegalidá" yera mui insuficiente, pero enfotóse na palabra de Gotor y nun se posicionó más que diciendo que toos apoyaben el decálogu.
Facer lo que fixistis el CUPA ye politizar la llingua aprovechando'l trabayu d'otros. Y pa enriba basándose namás que na afinidá política o ideolóxica con un candidatu.
A mi paezme grave, igual que me lo pareciera si un CUPI saliera diciendo lo mesmo de Paz.
Pero bueno, caún fai lo que-y peta y yá ta. Polos sos obres los conoceréis.
La Plaforma de Paz (la platapaz) foi anterior al comunicáu del CUPA. Xente de la Xunta apoyó a Paz. La Xunta nun tien implantación ninguna na Universidá.
Lo demás, cuentu.
L'Academia de la Llingua, comprometida hasta les ceyes cola candidatura de Paz de Andrés, llevó un bon hostiazu nes elecciones a rector. Alégrome muncho y espero que nestos cuatro años que vienen se dediquen a facer diccionarios d'una puta vez.
Gaudeamus igitur.
"a mi esi llinguax suéname, y suéname a propiu d'otres époques y de cierta ideoloxía perconcía na Europa Oriental" CUIDÁU QUE VIENEN LOS COMUNISTES!!! xD
"L'Academia de la Llingua [...] llevó un bon hostiazu nes elecciones a rector. Alégrome muncho [...]" ...ensin pallabres.
Si daquién apoyó a Paz foi a títulu personal, y yo nun conozo a naide. Sí conozo a socios de la Xunta qu'apoyaron a Gotor.
La Xunta fixo un trabayu va 4 años y esti añu entamando conceyos colos candidatos, faciendo propuestes y consiguiendo que toos se comprometieren col asturianu.
El CUPA ye un ente ensin actividá conocida compuestu por 2 persones. Lo demás cuentu.
Grupos como la Xunta tienen a militantes que piensen a estes altures con esquemes de la izquierda de tola vida. Fuerces como Unidá, Andecha, el Bloque..., tan tovía nesa mentalidá. Y eso esplica por qué l'asturianu ta como ta. Porque cuando la Xunta yera un "movimientu de base" de verdá, cuando había que montales mui gordes, la xente que movía aquello venmos qu'agora nun ta en ningunu de los sitios que dixe. ¿Por qué será?
Lo que veo ye que la estratexa falla. La estratexa de la Xunta, porque n'últimu s'estremu prima'l tirar pa la izquierda sobre la causa la llingua.
Y la estratexa l'Academia, porque después d'armar la de dios contra Ramón d'Andrés (ye un exemplu ente munchos), faen académica de númberu a una muyer (d'izquierdes como non) que taba, y ta tovía, nel Observatoriu de Política Llingüística, que ye onde taben, y tan, tola peña de Bello y cía. Si hai dubies, mirái la páxina web de la Oficina Política Llingüística del Principáu y veréis que tienen tovía puestu al Observatoriu.
Cuando algo falla, una vegada tres otra, la solución ye buca-y el relevu.
PENRIBA LA XUNTA O L'ACADEMIA SIEMPRE TARÁ ASTURIES.
Balandrán, ¿pero a ti quien te cuenta eses películes?
Oi, montar movimientos ye "cenciello"; namás tienes que ponete y trabayar colos esquemes que te paezan más afayadizos.
A mi lo que me paez ye qu'un de los problemes mas graves del asturianismu ye que ta enllenu de frikis y d'ignorantes que se creen los reis del mambo. Y asina tamos como tamos. Como tu que dices que la Xunta "tira pa la izquierda".
Ta claro que yes mozu y que te contaron pelicules de los 80 porque eso de la Xunta como movimientu de base y montales mui gordes ye de traca.
La Xunta móntales más gordes agora que nunca (yo voi pa los 40 años) y la xente que taba a lo primero unos siguen, otros tan en casa y otros trabayando pola llingua dende otros ámbitos.
Menos mala baba y más trabayu constructivu facía falta.
Tienes razón xicu, l'asturianismu ta enllenu frikis y d'inorantes, pero si apuntes pa mi vas enquivocáu.
Que la Xunta tira pa la izquierda, ¿qué ye mentira?. Nun te digo que traten de facelo arremente (en público), pero na práutica nótase-yos l'inclín. Exemplos d'esto afayamos munchos. Y na campaña elleutoral na Universidá d'Uviéu hubo asgaya. Como tamién ye verdá que l'Academia, o polos menos miembros destacaos, apostaron demasiao por Paz d'Andrés. Ye normal que nun sienten bien estes coses nel asturianismu que nun ye d'izquierdes, o de la izquierdá clásica que sofrimos n'Asturies.
Les películes de los 80 ye verdá que nun les viví pero sí tengo datos de les batalles (reales) d'esos años. Non porque me lo contaren. Tengo datos, vi documentos, falé con xente de militancia mui distinta que tuvo trabayando nesos años. Y resulta que los que se diz perende ta falsiao. Vi l'acta fundacional de la Xunta pola Defensa la Llingua y allí nun taba algún escritor viaxáu que polo que se ve tuvo nes fundaciones de too y después resulta que ye la mayor pantasma d'Asturies. Vi notes de prensa la época y vi los nomes de los firmantes. Enseñáronme actes de los aconceyamientos y nelles taben los nomes d'asistentes que taben. Enteréme de quien diba a les pegaes de cartelos, y a les barricaes (que les hubo), de quien entamaba coses, diba per otros países dando a conocer la realidá asturiana. Se quien tuvieron na KorriKa, n'alcuentros internacionales, quien taben na primer mani de la Xunta nel Día les Lletres. Lo que fice ye contrastar datos, feches y nomes, porque la historia del movimientu reivindicativu de la nuesa llingua interésame muncho. Tu vas pa los 40 años, pero yo topé información de xente que va pa los 50 o pa los 60. La xente los años duros.
La Xunta anguañu monta coses, acierta con unes, pero nun ta llegando a la xente, porque siempre acaba de la manina de los seutarios, como la xente de Les Noticies y otros grupucos que tan tracamundiando la realidá cultural, lliteraria o política del asturianismu al so gustu. Y la Xunta traga y sofita.
Parezme mui atrevíu falar de mala baba y pocu trabayu. Esponer idegues propies nun se pue igualar a tener mala baba, eso ye estalinismu. ¿Otra vez los resabios postcomunistes?. Y trabayar trabayo y creo que lo faigo constructivamente, pensando na mio patria que ye Asturies, non en patries ayenes como País Vascu o Cataluña, o en modelos ayenos, como Che Guevara o Fidel o demás revolucionarios baratos que quedaron en sanguinarios dictadores.
L'asturianismu que tuvimos nun funcionó, pues tendremos que trabayar por otru asturianismu que furrule porque sía frutu d'un trabayu que coneute de verdá col nuesu pueblu.
Haya paz chavalinos. Que si se hace algo positivo por el asturiano será porque lo hace el Partido Popular, o el Partido Asturianista, o la URAS. Son los únicos que supieron darle un lei a nuestra lengua regional. La macedonia de izquierdas nacionalistas, la Izquierda desunida, y mucho menos los cachorros de Zapatero, no han hecho otra cosa que vender humo o comprar voluntades. Habría que ir pensando en pedir auditorías a más de una empresa y en fiscalizar el grifo de las subvenciones. Asturias no se recupera porque hay muchos mercenarios a sueldo del régimen socialista de Areces y Fernández.
Val Balandrán, yo por min déxolo, anque me paez que tu perpases los 40, y más bien vas pa los 50. Pero esto de la rede ye lo que tien....
Nun voi xulgate yo, faltaría más, y de xuru que tas faciendo muncho pol asturianu dende onde tas agora.
Y no que dices tienes razón en munches coses pero paezme que, nesos mensaxes yes cagáu y pintáu a tantos otros del asturianismu nes zunes personales y la obsesión con ciertes persones o grupos (cosa mui xeneralizada equí pero que nun ye propia nuesa, sinón de situaciones complicaes nes que s'avanza poco).
Nun ye esti sitiu pa entrar a detalles, pero lo que menos me gusta perriba de too ye que creo que nun yes xustu cuando fales de la Xunta d'anguaño, una organización na que nun milito por falta de tiempu -anque pago cuota- y que sé que tien xente trabayando muncho y faciendo malabarismos pa salir del sectarismu d'esti mundu y nun aceptar les demandes d'adhesiones inquebrantables o del "amigu o enemigu". Y cuando faes eso lo fácil ye que te dean palos de tolos llaos, pero por suerte ehí hai xente qu'aguanta y trabaya.
¡Si tu supieres lo que se diz de la Xunta en dellos sitios non precisamente afines a ti!
Salú
Sigues ensin acertar xicu, primero nun me situes bien y después menos tovía.
Y si la Xunta quier salir del sectarismu d'esti mundu como tu dices, entós tendría que replantease unes cuantes coses. De xuru que nun díbemos tar pior qu'agora y que nesa xera taríemos tol mundu.