L'Asturies Lliberal

Nel FORU LLIBERAL ábrese güei un nuevu alderique, El futuru del asturianu, un espaciu onde opinar, dialogar y facer propuestes, nel camín de definir cómo puen ser les estremaes víes de desarrollu del asturianismu, tanto na so estaya política como nel ámbitu cultural. Esti alderique entámase porque entendemos de gran importancia tou discutiniu que permita vertebrar iniciatives que llogren averar Asturies a la modernidá, y pola necesidá de sofitar calces d'intercambiu d'idegues dientro del asturianismu que, como movimientu de llarga trayeutoria histórica, amuesa una bayura de formes y campos de trabayu de la mayor relevancia. Esti blogue tien una orientación ideolóxica determinada, que s'alluga nel lliberalismu de centru y asturianista, pero taríemos encantaos cola posibilidá de qu'esti alderique nel FORU permita, ensin llendes, que toles sensibilidaes del asturianismu espongan los sos argumentos y petites más allá de la vinculación a cualaquier opción política de cada cualo.

Esbilla | del.icio.us