El Círculu Lliberal d'Asturies ye un proyectu de calter asociativu asturianista, democráticu y transversal
Comunicáu del CUPA
UVIÉU, 20 d'abril de 2008
Dempués d'estudiar los programes y trayectories de los candidatos a Rector de la Universidá d'Uviéu presentes na segunda vuelta, a celebrar esti miércoles 23 d'abril de 2008, dende'l Conceyu Universitariu por Asturianu (CUPA) consideramos manifestar públicamente la nuesa posición respectu a estes elecciones, pues pensamos que la Universidá d'Uviéu ta nun momentu decisivu y hestóricu, énte una oportunidá nueva pa convertirse nuna universidá verdaderamente asturiana, qu'esista por y p'Asturies y los asturianos, abierta a la universalidá, lo qu'entama por asumir y nun despreciar la cultura propia, situando al idioma asturianou como vehículu d'espresión conviviendo n'igualdá col castellán. En definitiva, tamos énte una ocasión única pa que la Universidá d'Uviéu dexe de ser una institución separtada de la sociedá na que vive p'aceptar y reconocer por fín la realidá billingüe del territoriu asturianu.
Dempués de presentar un documentu de Propuestes de Trabayu pa la Normalización Llingüística y Cultural na Universidá d'Uviéu (2008-2012) y ver la bona acoyida del Sr. Gotor y el so equipu pa desenrrollales en casu de ser escoyíu Rector, paeznos que ye de xusticia apoyar una candidatura que va cuatro años yá firmó un documentu bien importante a favor del asturianu y qu'agora, cuatro años más tarde, aumenta esi compromisu aceptando tener como base pal diálogu y el trabayu unes Propuestes de Trabayu que cubren tolos campos necesarios pa la normalización de la llingua asturiana na Universidá d'Uviéu.
El Conceyu Universitariu pol Asturianu entiende, poro, que'l trunfu de la candidatura de Don Vicente Gotor resultaría especialmente positiva y afayadiza pa construyir una nueva Universidá billingüe qu'asuma y potencie la llingua asina asina como otros elementos de la cultura asturiana. Por tanto dende'l CUPA encamentamos a toles persones que conformen la comunidá universitaria y que tengan apreciu pola llingua y cultura asturianes, a que'l próximu miércoles voten a Don Vicente Gotor como nuevu Rector de la Universidá d'Uviéu, pa qu'ésta por fin seya una Universidá de y p'Asturies con toles consecuencies.
Esbilla
del.icio.us
como estudiante de la Universidá paezme perinteresante que se consiga l'apoyu al asturianu de tolos candidatos, paez que paz yá ta y esti tamién. a ver si ganamos dalguna elección por una vez los asturianistes
El comunicáu de CUPA, que nun representa a naide: PENOSU Y MALINTENCIONÁU!
inaciu go home!
Penoso, y ¿tu que yes, de la plataforma FSA-IU de sofitu a Paz?
pues yo como universitariu apoyo esi comunicáu, lo mesmo que les polítiques de paz col asturianu, pero voi votar a gotor, creo que non solo l'asturianu importa, y prefiero a Gotor. gracies a los que peleen pol asturianu dientro la uni
Soi Profesor Titular na Universidá. Nun toi condicionáu políticamente, dambos candidatos paécenme bonos a priori. Dende esti puntu de vista neutral, acabo de da-yos un repasu a los programes oficiales de Gotor y De Andrés, y veo que les diferencies en materia llingüística rescamplen.
A-Gotor sólo fai una mención al asturianu en tol programa, y ye una mención tímida, acomplexada y demasiao xeneral. D'otramiente, les menciones a la "lengua y cultura españolas" son abondes.
B-Pela so parte, De Andrés tien un separtáu específicu pa la Llingua Asturiana. Nél, afitando na llexislación anguaño vixente: Estatutu, Llei d'Usu (llei aprobada dende la Xunta pol PP de Sergio Marqués y el PAS) y Estatutos de la Universidá d'Uviéu, la candidata pon unos oxetivos perclaros: 1-Garantía d'usu llibre ante l'Administración Universitaria. 2-Garantía d'usu llibre por parte de profesoráu y alumnáu. 3-Nueves titulaciones (de nivel Grau) pa formar profesoráu de Llingua Asturiana n'Educación Primaria y Secundaria. 4-Defensa del estudiu científicu de la Llingua dende la Universidá d'Uviéu (Universidá qu'anguaño tien Departamentu d'Árabe o de Gallegu, pero non d'Asturianu). 5-Plan específicu de Dignificación y Normalización de la Llingua Asturiana dientro la Universidá. 6-Empobinamientu de estudios hestóricos y etnolóxicos de toles formes de cultura tradicional asturiana dende la Universidá. Etc..
Como dixi, esto ye lo que cualquiera pue lleer nos dos programes oficiales. Lo demás ye publicidá.
De toes maneres, como yá dixi, considérome neutral y de verdá: si esiste dalgún documentu oficial de la candidatura nel que Gotor propón medíes asemeyaes, o aínda más comprometíes, prestaríame que me dixereis aú atopalu pa decidir el mio votu.
Munches gracies
Yo creo que Paz no va a hacer nada, como no lo hizo los siete años anteriores. además, que para que se meta la FSA en otro chiringo a controlar, paso. votad gotor.
perdonad que no escriba en asturiano, estoy en proceso de formación. un saludo