L'Asturies Lliberal

Pilar Fernández Pardo, presidenta del Partíu Popular de Xixón y diputada por Asturies, entregará los premios qu'añalmente otorga la editora de la revista "El Llagar de Sobigañu". Nesta edición premióse al veteranu llagareru Manuel Peruyera que, a los sos 81 años, sigue al frente de Sidra Coro, fundada pol so padre, Ceferino Peruyera, en 1914. La otra distinción recayó na Cofradía de Jesús Nazareno de Villaviciosa, en reconocimientu al so trabayu, que'l so aniciu data de 1668. Les entregues fadránse metanes d'una tradicional espicha nel conceyu maliayu.