El Círculu Lliberal d'Asturies ye un proyectu de calter asociativu asturianista, democráticu y transversal
El llíder del centru izquierda italiano, Walter Veltroni, reconoció la so derrota frente a Silvio Berlusconi, que ganó per tercera vegada les elecciones xenerales celebraes n'Italia. La llista de Berlusconi, Pueblu de la Llibertá, llogra la mayoría absoluta tanto na Cámara de Diputaos como nel Senáu, onde desapaecen los comunistes per primera vegada na historia de la República. Na Camera dei Deputati, l'equivalente al Congresu español, la llista de Berlusconi xunto cola Lliga Norte d'Umberto Bossi y el Movimientu pa l'Autonomía, tendríen 340 diputaos, mientres la formación izquierdista de Walter Veltroni, el Partíu Demócrata, coaligáu cola Italia de los Valores, quedaría con 241 escaños. La arrolladora victoria de Berlusconi repítese nel 'Senato'. El Ministeriu del Interior, col 98% de los colexos electorales analizaos (58.975 de 60.048), concedía el 47,24 %% de los votos al Pueblu de la Llibertá y el 38,08% al Partíu Democráticu. Los comunistes de la llista Izquierda-Arcu Irisis, encabezos por Fausto Bertinotti, conviértense n'estraparlamentarios.
Los principales partíos italianos, datos y páxines web.
Esbilla
del.icio.us
PSOE y PP pactan que todos los puntos del nuevo Estatuto tengan el máximo consenso.
http://www.lne.es/secciones/noticia.jsp?pRef=2008041500_42_627055__ASTURIAS-PSOE-pactan-metodo-garantiza-maximo-consenso-para-reformar-Estatuto
Otru fascista mafiosu más al poder...
A ver Vity que a Berlusconi escoyólu una mayoría de ciudadanos d'Italia. ¿Son toos y toes "fascistes"?. Yá tamos col conceutu predemocráticu y filomarxista de lo que ye democracia. Si lo que sal nun me presta ye fascista, masque lo apoye tou dios. ¿CUANDO TENDREMOS N'ASTURIES UNA IZQUIERDA CIVILIZADA?
Tamién Hitler ganó unes eleiciones, con eso nun me dices nada.
Como nun va tar l'asturianismu como ta. Con razonamientos tan "democráticos" como los tuyos nun vota asturianista naide.
Pos tais los dos bien asemeyaos. Ún fala de "fascistas mafiosos" ya otru de "predemocráticos filomarxistas". Los dos como pegues namás mirando pal y pol ñeru de so (ruinu, pequeñín ya indistinguible na inmensidá de sebes, matos ya niales de pegues o ñerbatos glayadores).
Y mientres tanto gobiernen por vós y faen col asturianu lo qu'a ellos-yos peta. Pero siguíi, siguíi agüeyando la paya nel güeyu ayenu ad aeterman.
Yo recomendávavos prestosamente aceutar la parte de verdá que tien el contrariu no que diz, que la tien, y trabayar p'ameyorar o camudar esi fechu.
Mira que-y dais vueltes a les coses. Berlusconi nun ye ningún fascista. Ye un políticu escoyíu per tercer vez pol pueblu, y puntu. Qué coño tien que ver ni Hitler ni hosties pol estilu. Siéntolo muncho amigos pero ún nun tien que pedir perdón por ser lliberal. Pero por ser comunista sí que tendríen de pedir perdón munchos. El comunismu ye la ideoloxía que más millones de muertos provocó nel planeta. Y nel casu d'Asturies, ente socialistes antiasturianos y comparses comunistes lleven fundiendo al país fai trenta años.