El CAO convoca una concentración pola oficialidá delantre la Xunta Xeneral pa esti prósimu llunes
Publicao n' Asturies.com
El Conceyu Abiertu pola Oficialidá convoca una concentración pal prósimu llunes 14 d'abril a les 9.30 hores énte la Xunta Xeneral del Principáu, coincidiendo col aconceyamientu de los grupos parlamentarios al rodiu de la reforma del Estatutu d'Autonomía d'Asturies.
Dende'l puntu de vista del CAO "esta nueva reforma ye posiblemente la última oportunidá de poder cuntar, por fin, con un estatutu que s'axuste a la nuesa realidá cultural y llingüística, y que reconoza los mesmos derechos a tolos ciudadanos, falen la llingua que falen".
Nel testu de la convocatoria, rescamplen la situación d'inferioridá llegal que ta sufriendo l'asturianu, siendo "la única comunidá con llingua propia que nun la reconoció como oficial" nel so testu estatutariu, magar de qu'esti supuestu ta recoyíu nel artículu terceru de la Constitución española cuando diz "les demás llingües españoles (amás del castellanu) serán tamién oficiales nes respeutives Comunidaes Autónomes d'alcuerdu colos sos Estatutos".
Asina, sorrayen el momentu históricu nel que nos atopamos, teniendo de recoyer esta reforma "la única reivindicación ciudadana n'Asturies que se vien manteniendo constante nos últimos trenta años", ensin dexar que los "intereses partidistes irresponsables condenen a muerte a una llingua que pertenez al pueblu asturianu dende va más de mil años".
Esbilla
del.icio.us
Les idees clares;
-- Qué me dice del asturiano?
--Oficialidad no. Nosotros hemos dicho que hay que adaptar el asturiano a las circunstancias. Después de 30 años la situación del asturiano en el Estatuto tampoco es normal. Y luego el PP también ha marcado sus límites: el rechazo a la obligatoriedad. No estamos en una situación de cooficialidad.
Joaquín Aréstegui en LVA
trasgu | 13-04-2008 - 07:39:47 GMT 1 #
Yá sabemos que de LVA nun hai que se fiar abondo, pero de toes maneres vaya palu qu'Aréstegui diga eso.
llomba | 13-04-2008 - 08:48:26 GMT 1 #
Acabo de lleer na Voz les declaraciones d'Aréstegui a les que se refier Trasgu y tal paez qu'esti señor xuega cola tema de la oficialidá, pa ganase los favores de sigún quien dientro'l PP. A lo meyor Humberto Gonzali podía esclarianos la postura oficial del PP. ¿Ye un suponer que la postura d'Aréstegui na ponencia de reforma del Estatutu que se aconceya mañana será la oficial del partíu?.
Ya sabemos, camiento que tareis d'alcuerdu, que na custión llingüistica van intentar engañamos el PP, el PSOE, la Voz, la Nueva, El Comercio... puede paecer surrrealista, pero esto ye Asturies, el país onde la democracia nun pasó de proyeutu.
Heinrich | 13-04-2008 - 10:30:45 GMT 1 #
Aréstegui entama a ponese ñerviosu. El Comité Executivu del otru día sacó'l tema la oficialidá y polo visto dende Xixón, otres xuntes y la secretaría xeneral pidieron claridá sobre'l tema y amuesaron una posición a favor. Aréstegui ta nel grupu d'Ovidio col que quier mantenese na presidencia del PP y esta xente parezme qu'empiecen a xugar a "buen rollu" cola FSA.
Balandrán | 13-04-2008 - 11:18:27 GMT 1 #
Nun paez casualidá qu'Arestegui recule asina'l día enantes d'entamar les negociaciones del Estatutu y depués de los problemes con Pardo l'otru día.
Véolo murnio, pero taría bien que la xente de la xunta del partíu en Xixón y del conceyu executivu intentare esclariar les coses con Arestegui enantes de la reunión de mañana.
Home Llibre | 13-04-2008 - 12:56:14 GMT 1 #
Agradecería a la xente del Círculu Lliberal , que remanen más información que nós, dieren una esplicación d'estes pallabres nuna entrevista, non nuna nota de prensa.
Vity | 13-04-2008 - 17:48:31 GMT 1 #