El Conceyu Abiertu pola Oficialidá intensifica les sos acciones. Nestos meses van sucedese, asina, concentraciones, manifestaciones, actos culturales y reivindicativos. Ornosa, portavoz del CAO, da anuncia de les principales acciones, al tiempu que convoca pa mañana a una gran asamblea n'Uviéu. "Creemos que ye posible introducir la oficialidá na reforma, sobre manera si'l PP se caltién firme", afirma'l representante d'esta plataforma. El CAO ta planteando una serie d'actividaes reivindicatives pa esparder na sociedá la necesidá de que se recueya na nueva redacción del Estatutu la oficialidá de la llingua. ¿En qué consisten?
Dende'l 2004 el Conceyu Abiertu pola Oficielidá vien faciendo campaña intensa pa que la oficialidá se recueya na nueva redacción del Estatutu d'Autonomía. Agora tamos nel momentu final, cuando hai que dalo too, y por ello'l CAO plantea una serie d'acciones nos próximos meses, hasta'l branu. Barruntamos que nestos meses va dase por ciarrada la redacción del Estatutu. Ye un momentu nel que tenemos qu'apretar el pasu, continuando col llabor y proponiendo nueves circunstancies onde sed desvele énte la sociedá la necesidá de la oficialidá. Nesti sentíu, volvimos a la idea de l'Amuesa de Pintores pola Oficialidá, con una exposición abierta en Villaviciosa; el día 14 d'abril, coincidiendo cola apertura de la ponencia estatutaria, vamos convocar una concentración a les 9,30 de la mañana delantre de la Xunta Xeneral.
Otramanera, mañana miércoles 9 vamos facer un conceyu con toles organizaciones implicaes, al máximu nivel. Esperamos una asistencia masiva y sabemos que va valir pa movilizar a tolos sectores que defenden la oficialidá de la llingua asturiano; la cita ye nel Salón d'Actos de Institutu Alfonso II d'Uviéu a les 19,30.
Amás, coincidiendo cola Selmana de les Lletres Asturies el CAO va convocar una Selmana pola Oficialidá. Nesti sen, el CAO como plataforma amplia va dar un apoyu mayor a la manifestación que plantea la Xunta pola Defensa de la Llingua'l 9 de mayu. Otramiente, siguimos col procesu de negociación política, falando con Izquierda Xunida-Bloque por Asturies-Los Verdes y col Partíu Popular; tamién tenemos pidida, insistentemente, cita cola FSA.
¿Qué impresiones tenéis?
Consideramos que'l cambiu ta abiertu, que la posibilidá de que se recueya la oficialidá de la llingua ye cierta. D'un llau, tenemos un posicionamientu a favor d'IX-Bloque por Asturies-LV y un posicionamientu abiertu del PP. Tamos en ficies de que'l PP nun recule nos pasos que dieron tanto destacaos miembros del partíu como la propia organización. Falen d'oficialidá, poniéndo-y les etiquetes que quieran, pero podía llegase a una oficialidá ensin obligatoriedá. Creo que ye posible llegar a esi consensu; namás falta convencer al PSOE y despexa-y duldes sobre la obligatoriedá. Si la posición del PP ye firme, y ésa ye la clave, puede consiguise la oficialidá.
¿Cómo veis el llabor d'otres organizaciones, como la Fundación Caveda y Nava?
La Fundación Caveda y Nava ta dientro del Conceyu Abiertu pola Oficialidá. Pareznos mui bien el so trabayu, de la mesma manera que nos parez bien el trabayu de l'Academia de la Llingua o de cualesquier organización o institución que, dende dientro o dende fuera del CAO, defenda la oficialidá de la llingua. El Conceyu Abiertu pola Oficialidá trabaya pola oficialidá de la llingua asturiana, ensin pasos intermedios. Queremos facer un llamáu a trabayar toos a bloque, con criterios d'unidá d'acción, intentando crear un consensu de tol movimientu social. Tenemos que presentar énte la sociedá una imaxe d'unidá. El movimientu asturianista, otra manera, nun ha amosar derrotismu. Hai organizaciones que por motivos políticos tán pasando per una etapa prieta, pero tenemos que superar eses circunstancies. Ye'l momentu del optimismu y el CAO nesti sen llama a la movilización.
Esbilla
del.icio.us
El presidente del PP no comparte que la singular campaña del alcalde de Oviedo a base de comunicados por escrito, con actos políticos prácticamente inexistentes, con el veto a ciertos medios de comunicación, con chocantes compañeros de mitin como el actor Arturo Fernández, sean factores que tengan que ver con los malos resultados. Tampoco cree Sánchez que el giro asturianista en que se embarcó el alcalde haya tenido alguna repercusión, aunque dijo que el PP no está a favor de la oficialidad que se propugnó.
http://www.lavozdeasturias.es/noticias/noticia.asp?pkid=405360
Esa noticia ye del 13 del mes pasáu. L'Ovidio nun diz que se tee contra la oficialidá, si non que nun ta'l PP (eso dicialo él)por esi tipu oficialidá. De toes formes según me cuenten ya se la envainó col tema. Tate pendiente a una nueva interesante que tien que ver col PP, col asturianismu y con ciertu nomamientu. Polo que me chivaron puede ser cosa d'hores el que se faiga público.