Pujol diz que la Generalitat tien de pidir perdón poles atrocidaes cometíes durante la Guerra Civil L'ASTURIES LLIBERAL

jordi pujol

El que fuera presidente de la Generalitat, Jordi Pujol, considera que tamién el Gobiernu catalán tien de pidir perdón poles atrocidaes ocurríes en Cataluña durante la Guerra Cilvil, porque "la República y la Generalitat perdieron el control de la cai". D'esti mou, Pujol criticó la versión catalana de la Ley de Memoria Histórica que ye "mui sectaria políticamente". En Cataluña matóse a "muncho más xente de dereches, tres vegaes más".

Jordi Pujol almitió qu'elli mesmu tendría d'haber pidío disculpes durante los sos años de gobiernu, yá que nun lo ficiera'l so antecesor y primer presidente de la Generalitat restaurada, Josep Tarradellas. Por embargo, nun citó a los sos sucesores, Maragall y Montilla. Pal ex-responsable del Executivu, la Generalitat nun debió asumir una "culpabilidá", sinon una "responsabilidá". "Yá lo debía de tener fecho", insistió.

Pujol afirmó una vegada más que ye mui críticu cola política de memoria histórica; "non pola memoria histórica, sinon por cómo se fai", y apoyó escribir la Historia con "mentalidá de concordia". Recordó qu'en Cataluña matóse a "muncha más xente de dereches y de misa que d'izquierdes: tres vegaes más, o dos y media". Contrastó esti datu con una llei que considera "mui sectaria políticamente". "Toos llevamos enriba una doble vergüeña", dixo, y añadió: "Toos fuimos verdugos y mártires".