Xiru hacia la estaya más lliberal nel Comité Directivu del grupu parlamentariu del PP nel Congresu de los Diputaos
La portavoz del Grupu Popular nel Congresu, Soraya Sáenz de Santamaría, anunció güei que les primeres iniciatives nes que'l grupu trabayará esta nueva llexislatura centraránse en dos ámbitos dende'l so puntu de vista "esenciales", como son les relatives a la economía y la xusticia.
Designa un nuevu Comité de Dirección con José Luís Ayllón como Secretariu Xeneral del Grupu Popular, y con una composición onde destaquen los perfiles lliberales y centristes.
Nel aconceyamientu del Grupu Popular previu a la sesión constitutiva de la Cámara Baxa la portavoz parlamentaria manifestó tamién que la xera del nuevu Comité de Dirección del grupu parlamentariu será, ente otres, de "trabayu internu de coordinación de portavoces y miembros de cada una de les comisiones que tendrán un papel protagonista nes tarees de la Cámara. Serán tarees de coordinación y organizatives".
Nesti sentíu, la portavoz del PP designó a los nuevos miembros que formarán parte del Comité de Dirección del grupu nesta nueva llexislatura. El diputáu per Barcelona, José Luis Ayllón, será secretariu xeneral del Grupu Popular, en sustitución de Jorge Fernández, qu'ocupará una vicepresidencia del Congresu.
La dirección del Grupu nel Congresu complétase colos nomamientos como portavoces adxuntos del diputáu per Toledo, Arturo García Tizón; el diputáu per Álava/Araba, Alfonso Alonso; la diputada per Huelva, Fátima Báñez; el diputáu per Ourense, Celso Delgado; el diputáu per Segovia, Jesús Merino; Santiago Cervera de UPN y la diputada per Madrid, Cayetana Álvarez de Toledo.
Amás, formarán parte del equipu de dirección Francisco Villar, qu'ocupará'l cargu de tesoreru y como secretariu técnicu, Teófilo de Luís.
circululliberal @ 09:46
Esbilla
del.icio.us
