L'Asturies Lliberal

Joaquín Arístegui: "La oficialidá ye una postura que pol momentu nun paez asumible" Ohh, siento tener razón la verdá, pero les mios sospeches paez que foron ciertes...

¿?¿Úlo?

http://www.lesnoticies.com/
Dalgunos miembros de la Fundación Caveda y Nava tuvieron güei una reunión (la segunda d'una serie de rondes que tienen concertaes colos partíos parlamentarios) col portavoz axuntu del Grupu parlamentariu popular, Joaquín Aréstegui, pa tresllada-y les sos propuestes sobre la llingua asturiana pa incorporar nel futuru Estatutu d'Autonomía.

La Fundación Caveda y Nava y el representante del PP falaron yá, nesta segunda ronda, en términos técnicos y xurídicos, analizando'l derechu comparáu y proponiendo diverses redacciones. D'esta manera, dende la Fundación pidieron al representante del grupu popular que'l PP defenda la oficialidá del asturianu na reforma estatutaria basada en cuatro conceptos: reconocimientu del asturianu como llingua propia, recononocimientu del derechu de conocer y usar la llingua asturiana, garantía de non discriminación por usos llingüísticos y, por último, desenvolvimientu d'usos oficiales, entendiendo por éstos los usos de los ciudadanos cola alministración y viceversa. Aréstegui, según comentó Inaciu Iglesias, presidente de la Fundación, indicó-yos que "que pa ellos ye totalmente inasumible la obligatoriedá y que'l PSOE, col que tienen que pautar, refuga a la brava, la oficialidá". Con too y con eso, comprometióse a explorar una "vía central"que salvaguarde la viabilidá de los cuatro conceptos que propón la Fundación.

Amás, el portavoz del PP na Xunta Xeneral coincidió cola Fundación en "que la redacción del actual estatutu tocántenes a la llingua quedó obsoleta" y amestó que son partidarios d'incorporar cuestiones como la de considerar al asturianu como llingua propia, lo mesmo que'l castellanu.

Joaquín Aréstegui afirmó que'l PP va estudiar les propuestes de la Fundación, anque amestó que yá-yos explicó "cualos son los términos de la propuesta del PP sobre la oficialidá y que nun pasen pela obligatoriedá". Otramanera, amosóse mui preocupáu pola posición del PSOE, "mui dura nesti asuntu" al tiempu que tuvo mui bones palabres pa Fundación, a la que calificó de "realista y centrada".

Vity, la pregunta ye ¿pa quién trabaya Europa Press?. Porque ye que tomes d'ahí la nueva, pero Les Noticies, que tien d'editor a Inaciu Iglesias, diz otra cosa. Y ye qu'Iglesias, como supongo sabrás, ye tamién el presidente de la Caveda y Nava. ¿De qué te fies, de los dicho por una axencia sospechosa no político, o d'un editor y presidente de fundación asturianista? ¿O ye que nagües porque'l PP nun tee pola oficialidá? Si ye eso nun pasa nada porque lo digas. Hai vegaes que les lloses ideolóxiques pesen munchu, munchu.....

Non, yá dixi que llamentaba tener razón si yera asina, porque namás que lleera la noticia d'Asturnews y la d'Asturies.com. OXALÁ HEBA OFICIALIDÁ TRAIGA QUIEN LA TRAIGA (que quede nidio).

Acaben comunicanos que dende'l PP hubo contacto colos medios p'afitar lo que se dixo DE VERDÁ NEL ACONCEYAMIENTU LA NOTICIA.
Asturies.com camudó la noticia.
Asturnews va camudala.
La Nueva España espeya la noticia d'alcuerdu colo dicho a EFE por Aréstegui.
Les Noticies dan la noticia acordies cola realidá na so edición dixital.
EL CÍRCULU LLIBERAL LLAMENTA FONDAMENTE LA POCA PROFESIONALIDÁ DE QUIÉN RECOYÓ'L TEMA N'EUROPA PRESS.