El Círculu Lliberal d'Asturies ye un proyectu de calter asociativu asturianista, democráticu y transversal
La prensa marroquí amuesó'l so contentu pola victoria del PSOE nes ellecciones xenerales, porque beneficia a los sos intereses y a la marroquización del Sah.ara.
El periódicu Le Matin considera nun editorial que´l triunfu socialista ye una victoria de la razón y de la sabiduría.
Aujourd'hui le Maroc pela so parte, indica que col caltenimientu del PSOE nel poder se tienen "cuatro años p'afitar les relaciones ente Marruecos y España" porque los mecanismos de diálogu tán yá "bien engrasaos".
El diariu independiente en llingua árabe Al Masaa, el de mayor difusión del país, destaca la satisfacción de Rabat frente "al fracasu de la derecha" y prevé que la "derrota" d'Izquierda Unida, "amiga del Polisario, pue allonxar la presión nel asuntu del Sáhara (Occidental)".
Pal diariu Le Soir, "Marruecos respira" col triunfu socialista, que "allueña, polo menos durante cuatro años, l'espectru de los amigos de Mariano Rajoy y de José María Aznar, de dura reputación contra'l reinu h.erifianu".
Pa Libération, el triunfu de los socialistes "yera más o menos previsible", pesie a que "les declaraciones tan atronadores como condergables de Mariano Rajoy y el comportamientu de ciertos medios d'orixe franquista semaron delles duldes" al respecto. "La votación tuvo marcada principalmente pola movilización ente los inmigrantes, que fueron axitaos por declaraciones que raspiaben el racismu per parte d'un Rajoy desesperáu" caltién el periódicu francófonu.
"Miles de marroquíes tán satisfechos ante la victoria de Zapatero y nun serán espulsaos d'España, como lo anunciara Rajoy", destaca pela so parte l'independiente Asabahía.
Al Itihad Al Ishtiraki, órganu de la Unión Socialista de Fuerces Populares (USFP), allabó l'ésitu socialista como un triunfu de los valores morales.
Al Ahdat Al Magribía, aprovecha pa sacar llecciones de los comicios españoles, de los que subraya el fechu de que los sondeos "concuerden colos resultaos, dalgo que nun pasa en Marruecos".
En fin, que nel Reinu de Marruecos, la prensa ta encantao cola victoria del amigu socialista español del sátrapa que los gobierna y de que, de pasu, s'atornille daqué más al pueblu sah.araui. Llama l'atención l'odiu visceral d'esta prensa contra el Partíu Popular y les sos polítiques, y que l'allegría pol triunfu socialista nun desmerez la que tuvieron los mesmos medios en 2004. Un motivu más que claru pa la reflesión.
Esbilla
del.icio.us
Nun hai comentarios »