El Círculu Lliberal d'Asturies ye un proyectu de calter asociativu asturianista, democráticu y transversal
Cachu de la entrevista a Joaquín Aréstegui , portavoz adxuntu del Partíu Popular na Xunta Xeneral del Principáu, espublizada en Les Noticies, onde fala de la llingua asturiana.
¿Y que me diz de la oficialidá de la llingua asturiana? Na campaña, destacaos miembros del so partíu apostaron por ella...
Nós lo que vemos ye qu'hai dos posiciones aparentemente irreconciliables, demasiao contudentes: el PSOE inmovilista nesta materia y la d'IX-Bloque por Asturies qu'al meyor ta caltiendo una posición de máximos. Ye un procesu qu'empieza agora. Yá se verá. Con suerte, nós podremos mediar nesti problema: nin caltenemos una posición inmovilista respective a la llingua asturiana nin tamos a favor de la obligatoriedá y la inmersión llingüística. A partir d'ehí, consideramos que diba ser bono llograr una posición centrada nel Estatutu.Esa posición, ¿cuála diba ser?
Yá-y digo cuales son les llinies encarnaes que nun vamos pasar: obligatoriedá y posibilidá d'emprimar con procesos d'inmersión llingüística. Tolo que nun implique obligatoriedá, puede contar col nuestru votu pa entrar nel Estatutu. Hai colectivos que ye imprescindible escuchar, colectivos que tienen posiciones matizaes. Hai xente mui intelixente nel mundu de la defensa de la llingua asturiana y yo soi partidariu, por exemplu, de sentir la voz de l'Academia de la Llingua Asturiana o de la Fundación Caveda y Nava. Yá-y digo que tienen posiciones matizaes, non insensates. La llingua nun foi un problema ente los asturianos y nun convién que lo sía.
Esbilla
del.icio.us
Sou pena me llamen combayón ou outra cousa similar (nel mundu l'asturianismu hai babayos a patadas) la mía norabona pa la xente del PP.
Digo Norabona ya non Felicidades, yá que l'estatutu ya la oficialidá ía responsabilidá de los partíos políticos, los que tán dientro la Xunta Xeneral ya los que quedanon fora pola sua ineptitú.
Yera hora; tán dando un pasu importante pola llingua. Amás con muncho xacíu.
Poro, paezme soprendente; ya you aplaudiría que pautaran nel estatutu con IX-BA-LV la oficialidá, dexando solos a "la mafia siciliana", "la Cousa Nuesa" qu'ía'l PSOE, ya por fin resolvamos el problema llingüísticu.
Diestru nun t'enfotes munchu nesta xente, porque yá ves como tira balones fuera col nome d'oficialidá. Repitome pero ye que paezme perimportante dicilo, pasaron de la "oficialidá ensin nenguna dulda" a fórmules intermedies.