L'apoyu a la oficialidá de Pilar Fernández Pardo recoyío na prensa L'ASTURIES LLIBERAL

05/03/2008 GMT 1

L'apoyu a la oficialidá de Pilar Fernández Pardo recoyío na prensa

circululliberal @ 10:05

Les palabres de la Presidenta del Partíu Popular de Xixón apaecen recoyíes nos tres medios que siguieron el programa La lupa, que son Canal10 (cadena onde s'emitió), El Comercio y Asturnews.

En Canal10, per aciu la estaya Programas Anteriores, pue buscase la grabación del programa.

La noticia tratóse n' El comercio de la siguiente forma:

Pardo defiende la inclusión de la oficialidad en el Estatuto

La presidenta del PP de Gijón y número 3 de la candidatura popular al Congreso, Pilar Fernández Pardo, defiende la inclusión de la oficialidad del asturiano en el próximo Estatuto. «Es el momento adecuado», señaló la candidata popular, que no se salió ni una línea del guión que días atrás marcó su número uno, Gabino de Lorenzo, cuando reclamó el reconocimiento jurídico de la llingua. Pardo aboga por una oficialidad que -matizó- «no signifique obligatoriedad». La normalización lingüística tendrá reflejo con el uso del asturiano en la Administración regional o en la Justicia, tal y como explicó durante una entrevista en 'La lupa', de Canal 10: «Que aquel juez que quiera dar una sentencia en asturiano pueda hacerlo libremente».

D'otra parte, Asturnews tamién espeyó esti nuevu posicionamientu favoratible al asturianu:

Pilar Fernández Pardo y les NNXX del PP de Xixón súmense a la oficialidá "ensin obligatoriedá"

Les declaraciones de miembros del Partíu Popular d’Asturies a favor de la oficiliadá siguen sucediéndose, el llunes pela nueche nun alderique en Televisión Llocal Xixón yera un miembru de les Nueves Xeneraciones, Javier Fernández Merino, el que facía declaraciones nesi sen, amosando la posición de la mocedá de los populares como “favoratible a la oficialidá ensin obligatoriedá d’usu pa los ciudadanos”. A eses declaraciones súmense les feches anoche pola Senadora y candidata al Congresu del PP, Pilar Pardo, que nuna entrevista nel programa La Lupa, de Juan Neira, en Canal10 dicía que "la oficialidá tien de dir nel próximu Estatutu y que toles fuercies han posicionase claramente”.

La candidata popular, miembru de la Fundación Caveda y Nava declaró “qu’ensin dulda nenguna ta a favor de la oficialidá”, recordando que na so directiva “tengo a asturinistes, a xente como Humberto Gonzali”. Amás, y al responder a delles preguntes de Juan Neira dixo que “nun quería obligar a naide a falar l’asturianu, pero si dar les facilidaes máximes pa quien quiera estudiala y por supuestu usala, nel ámbitu públicu o priváu”. Recordó Pardo que nel PP de Xixón “unviamos mesmamante delles notes y comunicaos n’asturianu ensin problema nengún”.

Énte la entruga sobre l’usu del asturianu nel mediu xurídicu Pilar Pardo dixo que “cada xuez que quiera debería poder escribir les sentencies n’asturianu”. Unes declaraciones que ficieron a los entrevistadores entrugar pola so posición ente’l casu hipotéticu de la necesidá del usu d’interpretes nun procesu xudicial, énte lo que la candidata afirmó que “l’asturianu ye una llingua qu’entendemos toos y que nun creo que necesite un traductor pa los que vivimos equí”, añadiendo darréu “que de toes formes, si fuera necesario, sí”.