El cabeza de Llista del PP al Congresu por Asturies apostó pola defensa de la llingua asturiana tres considerar que si nun se fai nada "nun par de xeneraciones se nos pierde"
Gabino de Lorenzo dixo güei en Ribesella que tanto la llingua, como'l restu de lo que compón la cultura asturiana "ye lo que nos diferencia, ye la nuestra identidá, el nuestru raigón y eso hai que lo defender perriba de too". Falando del so apoyu al asturianu añadió: "Yo lo que digo ye que si llega un escritu n'asturianu al Ayuntamientu d'Uviéu o al Principáu, nun se pue tirar a la basoria". Gabino de Lorenzo tamién dixo que "yo nun puedo obligar a naide a falar n'asturianu" y fizo alcordanza de que milita nun partíu "onde la llibertá ye prioritario y onde llibertá y lliberalismu van de la mano".
Volviendo a la llingua asturiana avisó de que "nun par de xeneraciones se nos pierde", y apostó pola so defensa. "Agora resulta que n'Andalucía van imponer el catalán nes escueles. ¿Y nosotros vamos dexar que muerra la forma na que s'espresaron los nuestros antepasaos porque dalguién diga qu'eso ye una aldeanada", percalcó refiriéndose a los socialistes.
Defendiendo la petición de respaldu electoral qu'ayeri propunxo a los asturianistes, Gabino de Lorenzo recordó la so trayectoria de 17 años al frente l'alcaldía d'Uviéu: "Ehí ta cómo impulsé la cultura asturiana dende'l primer día y ónde ta nesti momentu".
Esbilla
del.icio.us
"Ehí ta [n'Uviéu] cómo impulsé la cultura asturiana dende'l primer día y ónde ta nesti momentu".
Eso nun ye verdá.
Refierse a la cultura tradicional. ¿Pregúnta-y a los cantantes de tonada o a los gaiteros, por exemplu?
Tamién monta unes zarzueles mui asturianes toles selmanes...