Nuevu ataque de nerviosismu na FSA
El voceru de la Xunta de Gobiernu del Conceyu de Xixón, el socialista Santiago Martínez Argüelles, atrevióse güei, nun actu d'increyible cinismu, a da-y la "bienvenida al asturianismu" a la presidenta del Partíu Popular en Xixón, Pilar Fernández Pardo, de la que dixo que "finalmente se decidió a falar n'asturianu", pa depués tratar de vender una suerte de "parayisu asturianofalante" nel consistoriu xixonés.
La desconocencia del asturianismu del socialista Argüelles
Encamentámos-y al señor socialista Argüelles que, primero, entame él a usar la llingua porque ye ésti un aspectu pa él totalmente inéditu, y segundo, que s'entere de que la Presidenta del Partíu Popular de Xixón ye Patrona d'Honor de la Fundación Caveda y Nava, y esto non precisamente por "acabar de llegar al asturianismu". Igualmente, queremos recorda-y al señor socialista Argüelles que la Xunta Directiva del PP xixonés cuenta ente los sos miembros con Humberto Gonzali, un asturianista que llegó al asturianismu en 1974, y que ta consideráu como ún de los más destacaos escritores en llingua asturiana.
Esbilla
del.icio.us
¿Daquién podría esplicame porque LNE diz coses dafechu estremaes a les qu'apaecen nesti blog?
La Nueva España ta xugando contra la oficialidá. Busca nos titulares destacar aquello que pueda dir en menoscabu del camín asturianista que ta entamando'l PP. Cuando reproduz una nueva que vien via axencia efe podéis ver como cambia la mesma cosa sigún la publique LNE o El Comercio. En Xixón, Fernando Canellada que dirixe la edición de LNE tien especial zuna contra Fernández Pardo. Recomiendo un repasu a les hemeroteques. Nel restu les ediciones vese que nesi periódicu fadia munchu que nel PP apoyen la "oficialidá sin obligatoriedá". Vuelvo decilo, mirái como traten les mesmes noticies nel Comercio. Ye como de la nueche al día. De la Voz de Asturias nin falar, pela mañana diz que Gabino quier el votu de los "asturianistas de izquierda" y pela tarde camúdalo por los "nacionalistas de izquierda". El casu ye que Gabino y Pilar entamaron una opción asturianista que va marcar el futuru del so partíu y d'Asturies. Y parezme perbien. Lo meyor que pue pasar ye que n'Asturies el PP seya como el PP de Galicia cuando entamó a gobernar Fraga. D'esa manera la llingua asturiana ta salvada.
La Voz de Asturias ye un mediu d'estrema esquierda.
"La Voz de Asturias ye un mediu d'estrema esquierda."
¿Comorrrrr?
Bah,bien, ye un mediu d'esquierda estrema.
xD Nun lo entiendo en seriu. Nun sé en que te bases pa dicir eso, si ye del PSOE....
Tien razón Vity. El periódicu LVA ye la prensa oficial socialista. Namás que con güeyar los titulares yá se ve.