Gabino de Lorenzo pidi'l votu de los asturianistes nun actu na primer capital d'Asturies
El cabeza de llista del Partíu Poplar al Congresu por Asturies, Gabino de Lorenzo, pidió güei en Cangues d'Onís el votu de los asturianistes, y ente éstos tamién de los que "sían d'izquierdes", metanes un actu fechu nel cine Colón, nel qu'amás d'amuesar la so defensa de la llingua, el folclore y la cultura asturianos, el candidatu solicitó l'apoyu electoral."Votái por Gabino, que cree no mesmo que vosotros", dixo, mientres cargó contra los socialistes, a los que reprochó que critiquen l'usu qu'él fai de la llingua asturiana. "Falo asturianu porque me da pola gana y los socialistes echen fumo cada vez que digo una palabra n'asturianu", manifestó de la que reclamaba'l votu del asturianismu más allá de les diferencies ideolóxiques.
Gabino define a Asturies como país
Gabino de Lorenzo nun duldó en dexar bien afitada la so defensa de tolo asturiano y indició bien claro que, una vez qu'ocupe'l so escañu nel Congresu de los Diputaos, y en referencia a Asturies, "esti país va ser defendíu, la nuestra forma de falar, la nuestra cultura". El mitin del candidatu del PP finó coles actuaciones del gaiteru Vicente Prado, 'El Pravianu', y del monologuista José Manuel, 'El Maestru'.
Esbilla
del.icio.us
El Círculu Lliberal d'Asturies ye un proyectu de calter asociativu asturianista, democráticu y transversal
Bien por Gabino. Ta claru que l'únicu votu útil asturianu si queremos que llegue la oficialidá ye optar pol PP.
marabayu | 02-03-2008 - 21:29:07 GMT 1 #
Gabino está haciendo en Asturies lo mismo que hizo Fraga en Galicia. Eso es lo que hacía falta. Ya está bien de complejos tontos y de avergonzarse de ser asturianos. Los enemigos de Asturies y de los asturianos son los del PSOE. Hay que echarlos del gobierno y en Asturies tienen que perder escandalosamente.
Camineru | 02-03-2008 - 21:32:44 GMT 1 #
Bien por Gabino. De siguir asina, los votos van argayar pal so llau. Vamos, Areces nun tendría res que facer énte un Gabino pro-asturianu nes prósimes autonómiques.
Indecisu | 02-03-2008 - 21:44:56 GMT 1 #
De toes maneres, nun censuréis la noticia orixinal d'El Comercio, anque diga coses que nun vos presten:
"Gabino de Lorenzo no ha dudado en dejar claro su defensa de todo lo asturiano y ha dejado claro que, una vez que ocupe su escaño en el Congreso de los Diputados: "Este país va a ser defendido: nuestra forma de hablar, nuestros bables, nuestro folclore y nuestra cultura". La parte asturianista del mitin del candidato popular ha concluido con las actuaciones del gaitero Vicente Prado, 'El Pravianu', y del monologuista José Manuel, 'El Maestru'."
etc
Indecisu | 02-03-2008 - 22:28:57 GMT 1 #
Un miembru del Círculu que tuvo en Cangues sintió "nuestro bable". Al nun lo tener claro tampoco lo remarcamos porque de toes formes nun ye relevante. Ye claro que repitió el términu "asturiano" delles veces nel mitin, y que Gabino siempre que se refier a él defínelu como "llingua". Nesti casu, ante la dulda de "nuestro bable o nuestros bables", nun lo destacamos porque polo dicho enantes, nesti momentu históricu, esto nun tendría la importancia d'otres époques.
Círculu Lliberal | 02-03-2008 - 22:41:51 GMT 1 #
Yo toi alloriando un pocu, ye sabíu que'l términu "país" yá lo emplegaba Xovellanos y qu'ello nun implica una reconocencia política del términu arreyáu al desenvolvimientu d'esi país-territoriu como nación. Namás faltaba qu'Asturies fuera reconocida como una de les naciones del estáu cola llingua oficializada y yá tendriemos dau un pasu perimportante na reconocencia de los derechos de los asturianos y les asturianes.
Vity | 03-03-2008 - 08:52:55 GMT 1 #
gabino no defiende a l´asturianu na cope
http://www.elcomerciodigital.com/gijon/prensa/20080303/opinion/candidatu-gabino-20080303.html
xuan | 03-03-2008 - 16:06:58 GMT 1 #
Home, pa mín que lo de destacar "los bables" ye más cosa del sustu que llevaron los altos cargos de La Nueva énte la posibilidá de que s'asustara el fondu sur ultra. Ye como dici-yos "bueno sí, Gabino pide'l votu asturianista, pero nun ruempe cola Asturies pensante y sensata".
Siento como si, por primer vez, l'asturianismu saliera d'un armariu nel que tuviera arrequexao... ¡¡¡yá valimos como votantes!!!
Jesusito | 03-03-2008 - 16:09:42 GMT 1 #
Home Xuan, qu'esto nun ye una noticia, que ye un artículu de Sixto Cortina, persona que me cai perbién pero al que se-y nota que-y jode que'l PP pueda come-yos el "pastelín del asturianu" a los del PAS. Y nesi artículu fala de comentarios de Jiménez Losantos (un impresentable) sobre la llingua fechos cuando Gabino nun taba delantre. De toes formes se de munchu votante del PAS que nestes elleiciones va votar PP. Siéntolo munchu Sixto, pero n'Asturies les coses tan camudando.
Nel Coto | 03-03-2008 - 16:34:36 GMT 1 #