El Círculu Lliberal d'Asturies ye un proyectu de calter asociativu asturianista, democráticu y transversal
La Conceyalía de Cultura del Conceyu de Ribeseya, col envís d'esparder y promocionar l’usu del asturianu y de la cultura asturiana en xeneral tien previstu entamar un concursu (premiu) lliterariu n’asturianu. Sedría, poro, del “Primer Premiu Arbidel de Cuentos eróticos”. Primer premiu lliterariu que s’entama en Ribeseya en llingua asturiana y el so nome, Arbidel, sedría un homenaxe al poema “La Fonte del Cai” del autor asturianu Xosé García Peláez, “Pin de Pría”, garrando, pa nome del premiu, al protagonista de la obra. La temática sedrá de calter eróticu. Escoyóse esi conteníu porque preténdese crear un premiu orixinal y persabemos que va a ser el primeru n’Asturies. Esti premiu encadarmaríase dientro de la celebración de la primera Selmana Ribeseyana de Les Lletres que se desendolcarán a primeros de mayu, como homenaxe a tolos qu’escribieron y escriben n’asturianu.
CARAUTERÍSTIQUES XENERALES
Los cuentos sedrán de más d'ocho folios mecanografiaos a doble espaciu, escritos per una sola cara.La temática sedrá de calter eróticu.
El plazu d’entrega sedrá hasta’l 15 d'abril, per aciu d’un sobre como s’indica nes bases del Concursu, enviáu o entregáu na Casa’l Conceyu de Ribeseya o biblioteca de la Casa de Cultura.
Premios: Primer premiu, 1000 €. Segundu premiu 300 €
Los premios entregaránse na primera Selmana Ribeseyana de les Lletres que la Conceyalía de Cultura del Conceyu de Ribeseya quier entamar a primeros de mayu.
Les bases del premiu lliterario tan asoleyaes nel tablón d’anuncies de la Casa Conceyu y colgaes na páxina web.
Esbilla
del.icio.us
Nun hai comentarios »