Mansur (antes Francisco) Escuredo comunicó que la Junta Islámica de España qu'él preside pidi que "nun se vote al PP nes prósimes ellecciones". Fai meses, el portavoz d'esta asociación venceyada al réxime del reinu marroquí, el llavianés Yusuf (antes Luis José) Fernández, pidiera que los musulmanes españoles votaren a PSOE o IU. El señor Escuredo, xunto col sevillanu Aldelkarin (antes Antonio) Carrasco y col mañu Medí (antes Jesús) Flores tienen negociao col ministru d'Asuntos Islámicos de Marruecos, Ahmed Tawfik, les formes de financiación y de "magrebización " per aciu d'imanes qu'aportaría Mohamed VI. Mansur (antes Francisco) Escuredo ye un católicu apóstata, que fuera militante comunista, y agora sofita fielmente al PSOE andaluz. Ente les diverses propuestes presentaes pol señor Escuredo figura la solicitú de l'aprobación de la poligamia pa los musulmanes españoles o la esixencia de que los fieles del islam puedan rezar na catedral de Córdoba.
Nota: A estes hores dende'l PSOE, al que tanto-y duel lo que diz la Ilesia Católica, naide protestó tovía porque los musulmanes se metan en política.
Encamentamos l'artículu firmáu en 2003 por María Santillana na páxina El catoblepas y tituláu El minero excomunista e islamita converso Gerardo, el renegado Yusuf y el quintacolumnista Avelino antiguo clérigo cazamarxistas
Esbilla
del.icio.us
Nun me presten nin el social-islamismu nin el nacional-catolicismu qu´afitáis dalgunos. Lo de la poligamia, oyi si toos tán d´alcuerdu. Peores son los que falen de peres y mazanes y ciudadanos con drechos y ciudadanos de segunda (o enfermos mentales direutamente pa dalgunos). ¿Lo de rezar na catedral de Cordoba?, ye un sitiu públicu y un patrimoniu de tola humanidá, amás de xuru que les 4 vieyes sordes q tovía siguin yendo a misa nin s´enteren.
¿Qué diría la Tia Nemesia de peperos tipo Humberto Gonzali (enantes Gonzalez) o Felechosa (enantes comprometíu cola llingua)?
Ye q nun tenéis memoria hestórica, yá nin vos alcordáis que negociasteis col Movimientu de Lliberación Nacional Vascu.
Oi rapaz, yes bastante pesadin nun crees? De lliberal tienes poco, y si muncho de conservador.
Chachu, date de baxa de lo d'asturies.com, da pena lleete tantu.
Estimáu cansáu, pol to comentariu entendemos que de lliberal nun tienes muncho. Sobremanera cuando pides qu'ún de los collaboradores d'esti blogue, y presidente del Círculu Lliberal, nun "publique nun determináu periódicu dixital asturianu".Llamentamos tener que lo dicir asina, pero amigu "cansáu", tas espresándote como un fascista o como un comunista. Poles apariencies, asemeyes un seguidor de dalguna de les dos corrientes polítiques, per otra parte bien poco democrátiques. Si nun ye ésti'l casu, rogámoste que te desplicares algo meyor. Gracies.
Home home, hai que tener munchu cuayu pa falar de social-islamismu. Cago (con perdón) pa tolos curones, pero nun se puede criticar qu'el conseyu islámicu español pida que nun se vote al PP y nun dicir nada de la sí poderosa ya influyente Conferencia Episcopal. ¿Falamos d'actuaciones individuales como la del tal Yusuf que nun conozo? Val. Falemos del obiespu pervertíu capaz de confesar en públicu que hai nenos que-y 'ponen', por exemplu. Kikos y lexonarios... toos mui lliberales... Sois unos provocadores.
Estimáu Jesusito, comprenderá que nosotros nun "aliviemos agües mayores" enriba naide. Esi nun ye'l nuestru estilu. De toes maneres la xunión d'intereses socialismu estremu ya islamismu intransixente ta dándose. La refilera datos que lo confirma ye enorme y de seguro qu'esti blogue va dir asoleyándolo. Lo que nos choca ye que pal PSOE la opinión de la Junta Islámica sía bona, pero la opinión de la Ilesia Católica sía mala. Eso tien un nome. Los lliberales defendemos un estáu laicu pero nun negamos la realidá onde vivimos. Asturies, España, son Europa. En cuantes al facer o pensar de persones o grupos mui determinaos que nun son lliberales, solo podemos dicite qu'ello bien poco tien de ver coles orientaciones de la Conferencia Episcopal, que ye de lo que falamos. Encamentámoste qu'atropes información sobre les actividaes d'una gran parte del islamismu n'España y depués emitas, con tola información, una opinión con más "cuayu intelctual".
Jeje... perdón poles mios agües mayores... retiro la espresión, nun querría chiscar a naide que nun tien culpa.
Agora bien... la rialidá na que vivimos... ¿ye la que marca la Conferencia Episcopal? O ye la d'una cultura cristiana, munchu menos monolítica de lo que-ys prestaría a Rouco y tola banda del camino neocatecumenal, opus, lexonarios o demás.
En cuantes al islamismu n'España... ¿qué faen? ¿proselitismu? De xuru. ¿Esparden valores cuando menos discutibles? Nun digo que non.
Agora bien... cuando se fala de la xunión d'intereses socialismu estremu islamismu intranxisente... ¿falamos del 11-M?, ¿de les montañes llonxanes?.
Reconozo que nun toi mui puestu nes bayures de la conspiración alaui-sociata contra la cristiandá. Agradecería, y nun ye broma, dalgún enllaz o fonte de cierta solvencia, seriedá y credibilidá (ello ye, dalgo que nun seya Libros Libres, nin Libertad Digital).
Nos prósimos díes vamos espublizar un artículu onde s'espeya, con datos sacaos de fontes oficiales, la relación ente una estaya del PSOE y un islamismu intransixente, cuando non integrista. Vamos da-y un espaciu destacao a lo atopao n'Asturies, que nun ye poco. Con ello nun queremos dicir que tolos socialistes son aliaos del espansionismu islamista radical, nin que tolos musulmanes son unos radicales. Pero ye constatable l'apoyu a ciertes "víes del islam" que proceden de rexímenes totalitarios, homófobos, represores de los derechos humanos, de les muyeres y de les llibertaes, como son ente más otros Marruecos, Arabia Saudí, Siria o Irán.
Taré sollerte
L'islam nun entiende de diferencies ente la sociedá y la relixón, mal nos va dir si algamen poder. Fastidiame que los mesmos que defenden un anticlericalismu pasáu de moda seyan los que se muestren tan condescendientes col Islam.
Yo defiendo la llibertá de relixón, pero non solo aqui, tamién n'Arabia Saudí o Irán.
¿nun te paez "trasgu" que la poligamia ye una manera de considerar la muyer un oxetu? ¿Qué se fai colos homosexuales nes sociedaes musulmanes? ¿Nun ye'l velu acasu un signu de sumisión de les muyeres?
¡Yá ta bien de despreciar el Cristianismu! Hai munchos errores nos sos dos mil años d'historia, pero hai muncho d'entrega, de valores que influyeron na nuesa sociedá (igualdá, conceptu de persona etc), d'atención a los probes, d'ayuda al desendolque de los pueblos...
Nun somos oxetivos cuando sólo vemos lo malo.
Fáiseme estraño que munches de les crítiques al Cristianismu vengan de la izquierda, heredera o collacia al menos de los movimientos y partíos comunistes que semaron de terror el mundu del sieglu pasáu y d'ésti. Convién-y una memoria histórica tamién pa recordar y de pasu pedir perdón (por qué non) polo que se fizo na Rusia de Stalin (asemeyao a lo asocedío na Alemania de Hitler), na Alemania oriental, na Rumanía de Ceaceascu, na Albania de Enver Hoxha, en Bulgaria, na China de la revolución cultural de Mao (y na de güei), na Camboya de Pol Pot y un llarguísimu etcétera per tolos continentes.
Un abrazu. ¡Ah, por cierto! nun veo manera de que lleguemos a la oficilidá nel nuevu Estatutu.
Saludos pa toos y toes