El Partíu Popular entama nos conceyos la llucha contra'l Canon Dixital L'ASTURIES LLIBERAL

Los grupos municipales del PP van presentar propuestes de moción pa que los conceyos españoles apoyen la campaña contra'l canon dixital. Asina lo anunciaba Gabriel Elorriaga, secretariu de Comunicación del PP, tres l'alcuentru calteníu'l llunes ente'l cabezaleru popular, Mariano Rajoy, y miembros de la plataforma todoscontraelcanon.es, que-y apurrieron más de dos millones de firmes atropaes escontra'l canon dixital.

Elorriaga aseguró qu'ésta ye una "iniciativa ensin precedentes" y recordó que dende'l pasáu 23 d'avientu "algamáronse más de mediu millón de firmes". De la mesma manera, faló del "activismu" calteníu nesti asuntu por Nueves Xeneraciones del PP. El secretariu de Comunicación del Partíu Popular fizo recordanza de la importancia d'esta campaña nel ámbitu municipal ya que los conceyos españoles, "al pesar de tar escluyíos del pagu de derechos d'autor, paguen el canon de la que merquen suministros".