El Círculu Lliberal d'Asturies ye un proyectu de calter asociativu asturianista, democráticu y transversal
El prósimu 31 de xineru faense ellecciones a Director del Real Institutu d'Estudios Asturianos (RIDEA). Con esti motivu, nel marcu d'una entrevista radiofónica fecha güei nuna emisora asturiana, Humberto Gonzali, que ye Miembru de Númberu de Representación nesa institución, contestó d'esta manera a preguntes relacionaes col tema.
¿Como valora usté a los candidatos?
Tengo que dicir que de los dos candidatos ún representa'l continuismu y qu'otru aporta una mayor apertura a la sociedá asturiana y un perfil inequívocamente asturianista.
Usté ye miembru del RIDEA designáu pol PP. ¿Por qué candidatura apuesta?
El Partíu Popular ye una fuerza mui enraigonada na sociedá asturiana, asina que nunca nun podríemos apoyar un conceptu d'institución como'l que torgó l'usu de la llingua vernácula nun Congresu. Pa eso yá tán los miembros escoyíos pol socialismu gobernante.
Entós ¿qué faría usté si nel prósimu Congresu d'Estudios Asturianos volviera a denegase la llectura d'un trabayu n'asturianu?
Ehí nun habría la más mínima dulda. Esixiría, como representante qu'a fin de cuentes soi d'una parte mui importante de la ciudadanía asturiano, la dimisón inmediata de la Xunta Permanente que consintiera cosa tala.
Esbilla
del.icio.us
Nun hai comentarios »