L'ASTURIES LLIBERAL
Bitácora del Círculu Lliberal d'Asturies

El presidente de la Federación Asturiana d'Empresarios (FADE) y presidente de la Cámara de Comerciu d'Uviéu, Severino García Vigón, calificó güei de "mala noticia" pa la economía asturiana la subida del IPC, que s'alluga nel 4,1 por cientu.  Sigún Vigón trátase d'un mal datu anque víase venir y por ello señaló la necesidá de guetar igües y nueves fórmules pa rebaxar estes cifres. En cuantes a la dependencia española del petroleu, Vigón apuntó la posibilidá d'abrir l'alderique sobre la enerxía nuclear. D'alcuerdu colos datos fechos públicos pol Institutu Nacional d'Estadística (INE), l'Índiz de Precios al Consumu (IPC) rexistráu n'avientu n'Asturies aumentó cuatro décimes en comparanza col mes anterior y la tasa interañal (últimos dolce meses) asitióse nel 4,1 por cientu, cifra que se correspuende cola subida acumulada ente xineru y avientu del 2007.